Azərbaycanda təhlükəsizlik tədbirləri gücləndirilib - səbəblər...
Təhlükəsizlik ekspertindən önəmli açıqlamalar; Arzu Nağıyev: “Bütün ictimai yerlərdə və qurumlarda təhlükəsizlik xidmətləri xüsusi iş rejiminə keçir”
İran parlamentinə terrorçuların basqını qonşu dövlətlərin bir çoxunda, o cümlədən Azərbaycanda da narahatlıqla qarşılanıb. Qanlı olaydan dərhal sonra İŞİD baş verənlərə görə məsuliyyəti üzərinə götürdü. Ölkəmizi də ara-sıra təhdid edən terror təşkilatının İran parlamentində gerçəkləşdirdiyi qanlı aksiya olduqca həssas təhlükəsizlik məsələsini bir daha gündəmə gətirib. Təhlükəsizlik səviyyəsi yüksək olan İran parlamentinə İŞİD-çilərin soxulmasından sonra ölkəmizin müvafiq qurumunda təhlükəsizlik tədbirləri gücləndirilməlidirmi?
Azərbaycan parlamentinin üzvü Vahid Əhmədov “Yeni Müsavat”a deyib ki, terrordan heç bir ölkə sığortalanmayıb: “Azərbaycanın təhlükəsizlik orqanları çox ciddi şəkildə işlər görürlər. Azərbaycan sərhədlərindən başlayaraq müvafiq addımlar aparılır, Dövlət Sərhəd Xidməti, Dövlət Təhlükəsizlik Xidməti, Daxili İşlər Nazirliyi və digər qurumlar gecə-gündüz ölkədə təhlükəsizliyin keşiyindədirlər. Azərbaycanın ən böyük xoşbəxtliyi də budur ki, ölkədə əmin-amanlıq qorunub saxlanır. Bunda ölkə başçısı İlham Əliyevin rolu həddən artıq böyükdür. Azərbaycanda təhlükəsizlik sahəsində də islahatlar keçirilir. Əlbəttə ki, İran parlamentində baş verən hadisədən biz də çox böyük narahatlıq keçiririk. İran Azərbaycanın qonşu dövlətidir, sıx əlaqələrimiz var. Amma Azərbaycanda belə hadisələrin təkrarlanacağını gözləmirəm”.
Deputat deyir ki, Azərbaycanın hüquq-mühafizə orqanları çox çevik tədbirlər həyata keçirməyi bacarırlar: "Belə olayları törətmək istəyənlər həbs olunur, müqavimət göstərənlər zərərsizləşdirilir. Azərbaycanda siyasi vəziyyət tam nəzarətdədir. Ona görə də Azərbaycanda ciddi bir problem olacağı gözləntisi də yoxdur".
V.Əhmədov İranda baş verənlərin müxtəlif dövlətlərlə fikir ayrılıqları kontekstində gerçəkləşdirilməsini də istisna etmir: “İran barəsində müxtəlif fikirli dövlətlər var. Xüsusilə son vaxtlar ABŞ-dan İranla əlaqəli bəyanatlar verilir. Bölgə çox ağır bölgədir. İranın qonşuluğunda mühariblər gedir. İŞİD, digər təşkilatlar həmin müharibələrdə tərəfdir və bir mərkəzdən idarə olunurlar. Amma Azərbaycanı İranla müqayisə etmək düzgün deyil. Azərbaycanda təhlükəsizlik çox ciddi şəkildə qorunur. Allah Azərbaycanı qorusun”.
Sabiq təhlükəsizlik zabiti Arzu Nağıyev İranda baş verənləri dəyərləndirərkən deyib ki, bu, ərəb dünyasında baş verən proseslərin davamıdır: “Səudiyyə Ərəbistanı ilə İran arasındakı gərginlik əvvəldən vardı. Qətər hadisələrindən sonra proses İrana keçirildi. Bu, idarə olunan, sifarişlə baş tutan məsələyə daha çox bənzəyir. Bu kontekstdə Azərbaycan parlametinin hədəf kimi seçiləcəyi inandırıcı deyil. Azərbaycanın enerji, məzhəb, dini məsələlərlə bağlı hər hansı bir dövlətlə problemi yoxdur. Amma bu o demək deyil ki, Azərbaycan terrordan tam şəkildə sığortalanıb. İrandakı terror olayından sonra Rusiyadan verilən bəyanatlarda deyilir ki, Rusiyanın cənubunda problemlər yaşana bilər. Rusiyanın cənubu Azərbaycanın şimalıdır. Bu tərəfdən də ölkəmizin cənubunda - İranda problemlər yaşanır. Bütün bunlara baxmayaraq, Səudiyyədə, Qətərdə, ardından İranda baş verən proseslərin Azərbaycana keçəcəyini söyləmək olmaz”.
A.Nağıyev onu da vurğulayır ki, terrordan heç bir dövlət sığortalanmayıb, buna görə də bizlər bu proseslərə hazır olmalıyıq: “Azərbaycan hüquq-mühafizə, xüsusi xidmət orqanları ilə yanaşı vətəndaşlar da hər bir hadisəyə hazır olmalıdırlar”.
Sabiq təhlükəsizlik zabiti deyir ki, İran parlametində baş verənlərdən sonra Azərbaycan parlamentində mühafizə avtomatik olaraq gücləndirilib: “Müvafiq təhlükəsizlik qurumlarının plana uyğun şəkildə göstərişləri var. Həmin göstərişlərdə belə hadisələr zamanı hansı addımların atılmasının vacib olduğu qeyd olunur. Yəni ölkənin sərhədindən başlayaraq daxilindəki bütün ictimai yerlərdə, qurumlarda təhlükəzilik xidmətləri gücləndirilmiş iş rejiminə keçir. Əməliyyat şəraitinin dəyişməsindən asılı olaraq addımlar atılır”.
Bu gün, 16:00
“The Telegraph” niyə Türkiyədən üzr istədi? Saxta təhdiddən real qarşıdurmaya doğru
Bu gün, 15:30
Ermənistanda seçkilər təxirə salına bilər? – İKİ fərqli rəy
Bu gün, 14:22
Bakı 3 GÜC mərkəzinin DİQQƏTİNDƏ – Qafqazda yeni dönəm
Bu gün, 14:00
Müharibə an məsələsidir?- Polşa Baş naziri tarixləri açıqladı: "İllər deyil, aylar qalıb!"
Bu gün, 12:11
Hamı onlardan danışır - FOTOLAR
Bu gün, 12:05
Son Dəqiqə: Çindən təcili xəbərdarlıq - "İranı dərhal tərk edin"
Bu gün, 11:55
Bakıda mağazadan 100 minlik qızıl oğurladılar - Video
Bu gün, 11:47
İki nəfərdən 49 kq narkotik götürüldü - Video
Bu gün, 10:50
Aİ Azərbaycanın 5 gəmisinin sanksiyalarını - Ləğv etdi
Bu gün, 10:46
5 güləşçimiz mübarizəyə başlayır
Bu gün, 09:59
Dövlət qurumundakı əməliyyatlarda 8 nəfər həbs edilib - Rəsmi
Bu gün, 09:54
Ərdoğan göz yaşlarını saxlaya bilmədi - Video
Bu gün, 09:38
SON DƏQİQƏ! Torpaq uçqunu oldu: ölən var - VİDEO
Bu gün, 09:27
Makron siyasəti tərk edir
Bu gün, 09:24
Zelenski Aİ-nin ayırdığı 90 milyardın nəyə xərclənəcəyini açıqladı
Bu gün, 09:20
Azərbaycanda toylarla bağlı qadağalar gəlir?
Bu gün, 09:16
Qırıcılarla dolu olan gəmi Yaxın Şərqə çatıb
Bu gün, 09:16
Rusiyadan gələn 19 tonluq ZƏHƏR - Təhlükəli yağ Azərbaycana necə daxil olub?
Bu gün, 09:11
Bu qəsəbədə evlər sürətlə bahalaşır: Torpaq tapmaq çətinləşib - FOTO
Bu gün, 09:00
“Türk faktoru” NATO-da hegemoniya qazanır: Türkiyə hərbi blokadanı yardı, indi şərtləri diqtə edir
Dünən, 16:00
Tramp Bakıdan imzasını istədiyi sazişi arxivə göndərdi
Dünən, 15:46
Dövlət Xidmətində əməliyyat keçirildi, iki vəzifəli şəxs saxlanıldı
Dünən, 15:30
İrəvanın bir ayağı yenə “gor”da
Dünən, 13:20
Bakıda polisə müqavimət göstərənlər tutuldu - Silah tətbiq edildi - Video
Dünən, 13:15
Yeni təyinatlarla bağlı məlumatlar həqiqəti əks etdirmir - TƏBİB
Dünən, 12:55
Prezidentdən qurultay iştirakçılarına - Müraciət
Dünən, 11:52
Müdafiə Nazirliyində növbəti rüşvət QALMAQALI