Ölkənin yeni baş naziri - iddialar və sensasion adlar

Prezidentdən qurultay iştirakçılarına - Müraciət

Prezidentlər təkbətək görüşdü - Fotolar

Prezident həmkarını qarşıladı - Fotolar

İlham Əliyev: Azərbaycan əsas daşımalar qovşağı kimi öz rolunu gücləndirir

Prezident BMT-nin Komissiyasının 82-ci sessiyasının iştirakçılarına müraciət edib

İlham Əliyev Antalyada Moldova Prezidenti ilə görüşüb

Dövlət başçısı Antalyada Şimali Kipr Prezidenti ilə görüşüb

İlham Əliyev Antalyada Əhməd Əl Şaraa ilə görüşüb

Ölkənin yeni baş naziri - iddialar və sensasion adlar

Siyaset

Oxunub: 13 482

9 in 2017 | 10:17

Ölkənin yeni baş naziri - iddialar və sensasion adlar

YAP-ın icra katibi Əli Əhmədovun baş nazir təyin edilə biləcəyi barədə ilk dəfə “Yeni Müsavat” yazıb. Ə.Əhmədov da prinsipcə, Rasi-zadə portretinə uyğun məmurdur. Ə.Əhmədov oliqarx hesab olunmur, milyardlara sahib deyil, siyasi iddiası yoxdur və sair.

VƏ

Gənclər və idman naziri Azad Rəhimovdur. Azad Rəhimov oliqarx hesab olunsa da, siyasi ambisiyalardan kənar fiqurdur. Nazirin böyük biznesmen olduğu hələ bu vəzifəyə gəlməmişdən öncə məlum idi.

Dövlətdə daha bir kadr islahatı gözlənilir; Prezident seçkilərinədək dövlət başçısı İlham Əliyev hakim komandada ciddi dəyişikliklər edəcək; Prezident Administrasiyasında başlamış kadr dəyişikliyi bunun sadəcə, anonsudur...

Prezident İlham Əliyevin Prezident Administrasiyası strukturunda dəyişiklik etməsindən sonra Nazirlər Kabinetində köklü dəyişikliklər olacağı xəbərləri təsdiqlənir. Prezident Administrasiyasından başlamış islahatlar yaxın günlərdə idarəetmənin ən mühüm strukturu olan Nazirlər Kabinetində də elan olunacaq. Gözlənilir ki, baş nazirin 3 müavini istefaya göndəriləcək və onların səlahiyyətləri Vitse-Prezidentlik Aparatına veriləcək. Başqa mənbələr, ümumiyyətlə, bütün baş nazir müavini postlarının ləğv olunacağını və səlahiyyətlərinin prezident köməkçilərinə ötürüləcəyini iddia edir.

“Yeni Müsavat”a verilən xəbərlərə görə, birinci vitse-prezident təyinatından sonra əvəzedilməz 2-ci şəxs statusunu itirən Artur Rasi-zadənin postu barədə müzakirələr aktuallaşıb. Rasi-zadənin istefaya göndəriləcəyi barədə xəbərlər indiyədək təsdiqlənməsə də, bu dəfə baş nazirin mütləq dəyişəcəyi iddia olunur. Bilgili mənbə “Yeni Müsavat”a deyib ki, ümumiyyətlə, baş nazir postu sentyabr referendumundan sonra siyasi çəkisini əhəmiyyətli dərəcədə itirsə də, bu vəzifəyə kimin təyin ediləcəyi barədə müzakirələr səngiməyib. İddia olunur ki, buna əsas səbəb gələn il keçiriləcək prezident seçkiləridir. Çünki prezident seçkilərinədək dövlət başçısı İlham Əliyev hakim komandada ciddi dəyişikliklər edəcək. Prezident Administrasiyasında başlamış kadr dəyişikliyi bunun, sadəcə, anonsudur.

İddia olunur ki, prezident İ.Əliyevin struktur və kadr siyasətini gücləndirmək, qarşıdakı prezident seçkisi ilində daha çevik komanda ilə işləmək və islahatları tormozlayan qüvvələri hakimiyyətdən uzaqlaşdırmaq iradəsindən xəbərdar olanlar indidən yerlərini möhkəmləndirmək istəyirlər.

Buna baxmayaraq, məlumatda vurğulanır ki, islahatlara düşən “yaşlılardan” heç biri incidilməyəcək və onların əlləri buraxılmayacaq. Gənc kadrlara etimad köhnə kadrlara ehtiram prosesi ilə paralel aparılacaq.

***

Gələk Artur Rasi-Zadədən sonra ölkənin baş naziri postuna mümkün iddiaçıların üzərinə.

“Yeni Müsavat”a çatan bilgilərə görə, adı “əsas iddiaçı” kimi səslənən baş nazirin birinci müavini Yaqub Eyyubov artıq bu posta iddiaçı deyil. Bunu, onun özünün istəmədiyi söyləntiləri də var.

Baş nazirin sosial məsələlər üzrə müavini, YAP-ın icra katibi Əli Əhmədovun baş nazir təyin edilə biləcəyi barədə ilk dəfə “Yeni Müsavat” yazıb. Ə.Əhmədov da prinsipcə, Rasi-zadə portretinə uyğun məmurdur. Ə.Əhmədov oliqarx hesab olunmur, milyardlara sahib deyil, siyasi iddiası yoxdur və sair. Rasi-zadənin 20 ilədək baş nazir olmasının sirri böyük siyasi və biznes ambisiyalarından kənar personasıdır. Bu səbəbdən Ə.Əhmədovun yaxın günlərdə baş nazir təyinatının Milli Məclisdə müzakirəsi mümkün hesab edilir. Amma etibarlı mənbələr baş nazirlik uğrunda mübarizədə daha bir məmurun çox şanslı olduğunu deyib.

Bu, gənclər və idman naziri Azad Rəhimovdur. Azad Rəhimov oliqarx hesab olunsa da, siyasi ambisiyalardan kənar fiqurdur. Nazirin böyük biznesmen olduğu hələ bu vəzifəyə gəlməmişdən öncə məlum idi.

O, son illər ölkədə keçirilən böyük idman tədbirlərinin əsas təşkilatçılarından biri kimi hakimiyyətin etibarını qazana bilib. Onun təşkilatçılıq bacarığı, işləmək tempi yenilənmiş Nazirlər Kabinetinə faydalı ola bilər. Qaynağımız deyib ki, A.Rəhimov “xüsusi nəzarət altında” qalmaq şərti ilə baş nazir olmağa razıdır. “Xüsusi nəzarət” dedikdə ehtimal ki, onun daha geniş səlahiyyətlər əldə edərək oliqarxiyada yerini möhkəmlətməsinə nəzarət edilməsi nəzərdə tutulur. Qaynağımız deyib ki, gənclər və idman naziri hökumətdə heç bir qruplaşmaya daxil deyil, yalnız “prezident kadrı” hesab olunur.

İddialılar sırasında indiki təhsil naziri Mikayıl Cabbarovun da adı çəkilir.

İsmi heç bir korrupsiya qalmaqalına qarışmayan, islahatçı-məmur tipini qoruyub saxlamağı bacaran və bütün fəaliyyətində gənc, müasir dünyagörüşlü kadrlara üstünlük verən M. Cabbarov iqtidar komandasının parlaq, amma diqqəti xüsusi cəlb etməyən, “gözə girməyən” ulduzlarındandır. Onun Təhsil Nazirliyinin kadr bazasını yeniləməsi və strateji hədəflər istiqamətində ciddi işlər görməsi diqqətdən qaçmayıb. Tamamilə mümkündür ki, yeni baş nazir məhz o və ya onun kimi islahatçı-intellektual tipli məmur olsun.

***

Baş nazirlik müzakirələrini mediada yenidən aktuallaşdıran səbəblərdən biri də Milli Məclisin iyunda növbədənkənar iclaslar keçirəcəyidir. Milli Məclisin mətbuat katibi Akif Təvəkküloğlu CBC-yə müsahibəsində növbədənkənar iclasın keçirilməsi xəbərini təsdiqləyib.

İddia olunur ki, Milli Məclisin növbədənkənar iclaslarının birində baş nazirin istefaya göndərilməsi və yeni baş nazirin təsdiqlənəcəyi gözlənilir. Amma o fiqur kimdir? Bizim fikrimizcə, burada adları çəkilənlərdən biri yaxın zamanlarda Azərbaycanın yeni baş naziri olacaq.