Azərbaycanda növbəti əfv fərmanının iyun ayında veriləcəyi barədə məlumatlar var

Əfvin iyun ayına ertələnməsinin mühüm səbəbləri var.

İyunun 26-27-si Ramazan bayramı qeyd olunacaq. 2017-ci il ölkə prezidentinin sərəncamı ilə Azərbaycanda "İslam Həmrəyliyi İli" elan olunub. Odur ki, növbəti humanist addımın məhz bu münasibətlə atılması olduqca məntiqli görünür.

26 iyun həm də Azərbaycan Respublikasının Silahlı Qüvvələri günü kimi qeyd olunur və bu il ordumuzun 99 yaşı tamam olacaq. İki əlamətdar bayram münasibətilə əfvin imzalanması hər kəsin ürəyincə olardı.

Əfv sərəncamları çox hallarda Novruz bayramı, yaxud 31 dekabr Dünya Azərbaycanlılarının Həmrəylik Günü münasibətilə imzalanıb. Lakin prezidentin müstəsna səlahiyyətlərinə daxil olduğu üçün dövlət başçısı istənilən zaman bununla bağlı qərarını verə bilər.

Ulus.Az-a daxil olan məlumata görə, əfv siyahısında REAL sədri İlqar Məmmədov, jurnalist Seymur Həzi, AXCP sədrinin müşaviri Asif Yusifli ola bilər. İnsan haqları müdafiəçisi Novella Cəfəroğlu əfv olacağıı təsdiqləyib.

N.Cəfəroğlu deyib ki, onlardakı siyasi məhbusların siyasında 34 nəfərin adı var və o şəxslərin də əfvə salınacağına ümid edir.

Xüsusi Təyinatlı Polis Dəstəsinin (OMON) Qazax bölgəsi üzrə sabiq komandiri, Qarabağ müharibəsi əlili, 21 ildir Qobustan həbsxanasında ömürlük məhbus həyatı yaşayan Elçin Əmiraslanov da aclıq aksiyasına başlayacaq.

Qarabağ Azadlıq Təşkilatının (QAT) sədri Akif Nağı deyib. Onun sözlərinə görə, bununla bağlı Elçin Əmiraslanov QAT sədri, Ömürlük Məhbusların Hüquqlarını Müdafiə Komitəsinin rəhbəri Akif Nağıya məktub göndərərək, mayın 30-da aclıq aksiyasına başlayacağını bildirib.

O, eyni zamanda ombudsman Elmira Süleymanovaya da müraciət edərək, aclıq aksiyasına başlayacağı ilə bağlı xəbərdarlıq edib. Əfv fərmanında OMON-çuların da düşməsi gözlənilir.