Azərbaycan Türkiyəyə görə AŞPA-ya siyasi müharibə elan edib. Artıq bütün dövlət rəsmiləri, Milli Məclis AŞ-na qarşı hücuma keçib

Rəsmi Bakı ilk dəfə AŞ PA ilə münasibətləri bu şəkildə gərginləşdirib.

Azərbaycan hakimiyyəti Avropa Parlamenti Baş Assambleyasından (AŞ PA) çoxdan yanıqlı idi. AŞ PA-nın Bakıya etmədiyi pisliklər qalmamışdı.

Yəni, Avropanın nüfuzlu təşkilatında “həftə səkkiz mən doqquz” hökumətin ünvanına olmazın tənqidlər səslənirdi. Hakimiyyətlə AŞ PA-nın münasibətləri yenidən pisləşə bilər.

Qurumun Türkiyədə referendumdan sonra monitorinqləri bərpa etməsinə rəsmi Bakının ən yüksək səviyyədə kəskin reaksiya bildirməsi əlaqələrin təzədən korlayacağı ehtimalı yaradır.

Çünki prezident İlham Əliyev “qardaş” xitab etdiyi dostuna - Türkiyənin prezident Rəcəb Tayyib Ərdoğana görə AŞ PA-nın üstünə yüyürdü.

Azərbaycan rəsmiləri AŞ PA-nın vaxtilə hakimiyyətə qarşı səsləndirdiyi bəyanatları, qərəzli çıxışları xatırlatdılar, qurumu riyakarlıqda, ikili standartlar siyasətində fasiləsiz olaraq qınayırlar.

Ulus.Az-ın verdiyi məlumata görə, dəfələrlə Avropa Strukturları tərəfindən Türkiyə və Azərbaycana qarşı ədalətsiz mövqenin şahidi olmuşuq. Bu da növbəti ədalətsiz mövqelərdən biridir.

“Mən bütün konsertlərimdə türkün gücünü göstərmişəm. Türkün qolu bükülməz, Türkün beli əyilməz. Türkiyə kimi bir dövlətə Avropa Şurası qərəz nümayiş etdirir”.

Bunu Milli Məclisin iclasında xalq artisti, deputat Zeynəb Xanlarova deyib.

Deputat bildirib ki, Azərbaycan parlamenti adından Avropa Şurasına müraciət ünvanlanmalıdır.

Zeynəb Xanlarova Azərbaycan xalqını da Trükiyə əleyhinə olan qərəz və ədalətsizliyə qarşı etiraza səsləyib: “Bütün Azərbaycan xalqı ayağa qalxmalıdır, Türkiyə ilə bağlı ədalətsizliyə etiraz etməlidir. Biz Türkiyədən ayrı deyilik”-deyə o qeyd edib.

Səməd Seyidov bildirib ki, Avropda müsəlman ölkələrinə qarşı ikili standarları konkret ölkələrin siyasətində, təşkilatların bəyanatlarında görüb, hiss etmək mümkündür: “Bu problem xüsusilə də Avropda qaçqın və məcburi köçkünlər artdıqca özünü göstərməyə başlayıb.

AŞPA-da belə tendensiyaları bir neçə ildir hiss edirik. Ümumiyyətlə, orada Türkiyə, Azərbaycana olan münasibətlərə başqa prizmadan baxılır.

Lakin budəfəki yaz sessiyası bu münsaibətlərin pik həddinə çatmasını gösərdi. İclasda Türkiyə ilə bağlı ədalətsiz məruzə təqdim olundu. Məruzə ilə tanış olduqda bunun qəbul edilməz olduğunu görmək mümkündür”.