Törətdikləri əməli mobil telefona çəkirmişlər.

Paytaxtda silsilə quldurluq törətməkdə şübhəli bilinən dəstə saxlanılıb.

ANS TV-nin məlumatına görə, dəstə üzvləri Hikmət İsgəndərov, Qafar Bağırbəyov, Rauf və İbadulla Əlimuxatrov qardaşlarıdır.

Əməliyyat- istintaq tədbirləri zamanı dəstəyə əvvəllər də məhkum olunmuş, Yasamal rayon sakini 18 yaşlı Hikmət İsgəndərovun başçılıq etdiyi ortaya çıxıb. Ondan artıq cinayətdə adı hallanan gənclərin saxlanılnamsına səbəb olan hadisə isə, rayon ərazisində Bədəlov Əli Mahmud oğluna və Süleymanov Fuad Əli oğluna qarşı törədilən quldurluq olub. Bıçaqla hədə-qorxu gələn dostlar hər iki şəxsi xəstəxanalıq edib.

Bundan başqa dəstə üzvləri Şamxal Orucova məxsus mobil telefonu dələduzluq edərək əlindən aldıqlarını etiraf ediblər. Hikmətin telefonuna baxış keçirərkən onun cinayət əməllərini mobil telefonuna çəkdiyi də məlum olub.
Dəstə üzvləri barəsində bölmədə toplanılan materiallar isə araşdırlması üçün Rayon Polis İdarəsinin İstintaq Şöbəsinə göndərilib. Onların oxşar əməllərinin sayının artacağı istisna edilmir.