Rusiyanın Tolyatti şəhərində yaşayan Qalina Kuteryeva sözün əsl mənasında heç vaxt üşümür. O Tolyatti şəhərində uşaq bağçalarının birində çalışır. Qadın ilk baxışdan gənc yaşda qıza oxşasa da onun 50 dən çox yaşı var. Qalina qışın dondurucu soyuğunda belə yüngül yay güyimində bayıra çıxır, əsla üşümür və xəstələnmir. Hətta elə hal olub ki Qalinaya küçədə gedərkən geyim təklif edənlər, evinə maşınla aparmaq istəyənlər olub. Lakin qadın onlara gülərək deyib ki, hər şey qaydasındadır. Bu mənim öz tərzimdir. Bu qadın belə tərzini bu cür izah edir:
İnsanın bütün sağlamlığı onun müsbət enerjisinə bağlıdır. Əgər insan müsbət enerjili, xeyirxah, xoşxasiyyət, həmişə xoş əhval ruhiyyəli olarsa, o həmişə sağlam olar. Sağlamlıq isə uzunömürlülük deməkdir. Mən həyatsevərəm və yaşamaq istəyirəm. Mən bilirəm niyə yaşayıram, yaxşı insan olmaq, hər gün yaxşı işlər görmək üçün.
Mən çox gümraham. Mən həmişə soyuq havada belə yay geyimində oluram və adətən piyada gəzirəm. Soyuq havada insanda nəfəs alma zəifləyir. Bu halda qan xəstə orqana tərəf daha çox işləyir və həmin orqanın vəziyyəti yaxşılaşır. Sinirlər təmizlənir, bədəndə qan başlayır yüngül və maneəsiz axmağa. Mən hətta gün ərzində ən azı 400 addım piyada gedirəm. Çünki dizin altında ömür nöqtəsi var. Ayaqları çox hərəkət etdirərkən həmin nöqtə bir çox xəstəlikdən qorunur. Bu isə onurğanın, sinirlərin, bağırsağın və digər orqanların işini yüngülləşdirir.
Mən bir vaxtlar çox zəif idim. Həyata düzgün baxmırdım. Mənə elə gəlirdi ki, mən düz edirəm. Ancaq düz etmirdim. Mən özümün yox, başqasının həyatını yaşamağa çalışırdım, bu isə səhv addımdır. Hər kəs öz həyatını yaşamalı, öz yolunu getməlidir. Hazırda mən insanlara həyata düzgün baxmaqda kömək edirəm. Mənim arzum, məqsədim 100 yaşı ötmək və xoşbəxt olmaqdır. Çünki mənim həyata keçirəcəyim arzularım var.








HAZIRLADI GÜNEL MƏMMƏDOVA