Mən, Qobustan rayonunun Ərəbqədim kəndinin sakiniyəm. Bir il əvvələ qədər Qobustan Rayon Polis Şöbəsində işləyirdim. 2014-cü ildə, Milli Təhlükəsizlik Nazirliyinin Qobustan Rayon Şöbəsinə Əfqan Məmmədov rəis təyin edildikdən sonra, o məni şərləyərək prokurorluğa verdi. Barəmdə çoxsaylı şikayətlər yazdıraraq, guya azyaşlı qızı zorladığımı sakinlər arasında yaymağa başladı

Bundan sonra Əfqan Məmmədov məni MTN-in Qobustan Şöbəsinə gecə vaxtı dəvət edərək əvvəlcə məndən rüşvət istədi. Onunla razılaşmadım. Sonra o, yazılan şikayətlərin qarşısını almağın mümkün olduğunu, bunun üçün ona işləməli olduğumu və çalışdığım Qobustan Rayon Polis Şöbəsindəki cərəyan edən hadisələri ona çatdırmalı olduğumu bildirdi. Əfqan Məmmədov hər dəfə mənə nazir Eldar Mahmudovun yaxın adamı olduğunu bildirərək qorxudurdu, Qobustan Polis Şöbəsində baş verən hadisələr, gedən söhbətlər, hazırlanan tədbirlər barədə xəbər verməyimi tələb edirdi. Lakin sonradan mənim ona işlədiyimi camaat arasında yayaraq özü məni biabır etdi. Nəticədə məni orqandan qovdular. Əfqan Məmmədov mənim işdən qovulmağıma səbəbkar oldu. Onun Qobustan rayonunda yaşayan qohumları Kənan və Teymur rayondakı sakinləri şərləyərək hədə qorxu gəlirlər, Əfqan Məmmədov üçün aylıq rüşvət istəyirlər.

Əfqan Məmmədov təyin edildiyi bir il ərzində bir çox cinayətkar əməllər törətmişdir. İstifadəsində olan ikinci avtomobili (göy rəngli niva markalı, 90-SE-067 dövlət nömrə nişanlı) ilə gecə saatlarında rayonda hərəkət edən yük avtomobillərini saxlatdıraraq onlardan pul tələb edir, razı olmayan sürücüləri hədələyərək onların üstünə silah çəkir, torpaq daşıyan yük maşınlarından rüşvət tələb edir. Hətta bir dəfə ona tabe olmayan maşına şəxsi silahından atəş açaraq təkərini partladıb saxlamışdır.

Əfqan Məmmədov Qobustan şəhərində yaşayan Elnarə Cəmcəmli adlı əxlaqsız qadınla eşq yaşayır. Həmin qadından bir neçə dəfə cinsi xəstəliyə (triplet) yoluxaraq müalicə də almışdır. O, Elnarə adlı qadınla gecə saatlarında yaşadığı evdə görüşür. Buna görə də rayonda nüfuzdan düşmüşdür. Zabit adına yaraşmayan hərəkətlər etdiyi üçün sakinlər arasında narazılıqla qarşılanır. O, rayondakı idarə müdirlərini, təsərrüfat sahiblərini incidir, rüşvət tələb edir.

Aidiyyəti şəxslərdən xahiş edirəm ki, Əfqan Məmmədovun əməllərinə hüquqi qiymət verilsin.