Rafil Hüseynovla bağlı araşdırlmalara başlanılacaq, gələn həftə onunla bağlı qəti qərarın veriləcəyi gözlənilir

Məlum olduğu kimi, iki gün öncə facebook-da Masallı rayon İcra Hakimiyyəti başçısı Rafil Hüseynovun oğlu Şəhriyar Hüseynovun fotosu yayılıb. "İnfo Masallı" adlı səhifənin yaydığı fotoda icra başçısının oğlunun keyf məclisi əksini tapıb.

Redaksiyamızın sözügdən səhifəyə istinadən yaydığı məlumatda bildirilir ki, Şəhriyar Hüseynovun fotosu çəkilən məkan gecə klubudur və orada vaxtaşırı yarıçılpaq qadınlar rəqs edir. Bununla yanaşı, Şəhriyar Hüseynov Bakı şəhərinin ən bahılı gecə klublarının hörmətli qonaqlarından hesab olunur. Onun bir gecədə 3-4 min manat hesab verdiyi, gecə klubuna ən azı yanında 5-6 qızla getdiyi iddia olunub.

Az öncə Arqument.Az-a bununla bağlı daha bir maraqlı məlumat yayıb. Sayta daxil olan məlumata görə, oğlunun əyləncəli həyatı ilə bağlı yayılmış görüntülər və məlumatlar icra başçısı Rafiq Hüseynova ciddi problem yaradıb. Artıq bu qalmaqallı xəbərlərlə bağlı məlumat dövlət rəhbəriliyinə də çatdırılıb. Məsələ araşdırılır və yaxın günlərdə Rafiq Hüseynovla bağlı qəti qərar verilə bilər.

Bəzi bilgilərə görə, onun yaxın günlərdə Prezident Adminstrasiyasına çağırılağı da istisna edilmir. Mənbə bildirir ki, yaxın günlərdə Rafiq Hüseynovun nəzarətində sərvəti ilə bağlı yoxlamalar da başlayacaq. Çünki məmur oğlunun əyləncəli həyatı və gecə klublarında külli-miqdarda pul xərclədiyi ciddi sual doğurub. Onun bu pulları haradan əldə etdiyi də müzakirə mövzusudur. Eyni zamanda, Rafil Hüseynovun MTN-ə işə düzəltdiyi bacısı oğlu da artıq istintaq altındadır. Və bu məsələ də icra başçısı üçün ciddi problemə çevrilib.

Xatırdadaq ki, Azərbaycan Prezidenti İlham Əliyev dəfələrlə müşavirələrdə bəyan edib ki, məmurlar özlərinə və övladlarına çəki-düzən verməlidirlər. Dövlət başçısı bəyan edib ki, övladları harınlıq edən, camaatı incidən və özbaşınalıqlarla məşğul olan məmurları ağır şəkildə cəzalandıracaq.

Qeyd edək ki, indiyə qədər prezident bir neçə məmuru övladlarının hərəkətinə görə işdən azad edərək, cəzalandırıb.