2014-cü ilə nisbətən bu il Gəncə şəhərinin əhali sayında artım müşahidə olunub. Gəncə şəhər Statistika İdarəsindən verilən məlumata görə, 2015-ci ilin oktyabr ayının 1-nə Gəncədə əhali sayı 330 min nəfər təşkil edib.

Ötən 9 ay ərzində Gəncədə 2860 nəfər doğulub, 1398 ölüm halı qeydə alınıb. Vəfat edənlər arasında 8-i bir yaşına qədər olan körpələrdir. Qeyd olunan dövr ərzində şəhərdə 1809 nikah, 617 boşanma qeydə alınıb.
Gülşən Əhmədli- Gəncə şəhər Statistika İdarəsinin rəis müavini: "Bununla əlaqədar olaraq şəhərdə ümumi artım - 1314, təbii artım isə 1412 nəfər təşkil edib".
Qeyd edək ki, bu gün Ümumdünya Statistika Günüdür. BMT-nin qərarına əsasən 2010-cu ildə təsis edilən gün hər 5 ildən bir keçirilir.
Gülşən Əhmədli- Gəncə şəhər Statistika İdarəsinin rəis müavini: "Fəaliyyətimiz Gəncə şəhəri ərazisində yerləşən bütün hüquqi, fiziki şəxslərdən öz fəaliyyəti ilə bağlı rəsmi statistika hesablarının toplanılması, sosial obyektləri, o cümlədən xəstəxana, məktəb, bağça və digər sosial-mədəni obyektləri əhatə edən hüquqi şəxslərdən məlumatların alınması, bundan başqa, ev təsərrüfatlarının, digər siyahıya alınmaların nəticələrinin yekunlaşdırılıb toplanılması, sorğuların keçirilməsi və bunun əsasında şəhərin sosial-iqtisadi vəziyyətini əks etdirən məlumatların toplanıb, icmallaşdırılıb, yerli və rəhbər orqanlara çatdırılması və öz işində istifadə olunmasından ibarətdir".
Gəncə şəhər Statistika İdarəsində hazırda 8-i kişi, 14-ü qadın olmaqla, 22 nəfər çalışır. İdarə "Ticarət və xidmət", "Sənaye", "Qiymət və Ev təsərrüfatı" şöbələri üzrə fəaliyyət göstərir.

http://kepeztv.az/