Konstitusiya-dövlətin Ali Qanunudur. Dövlətin siyası, hüquqi və iqtisadi sistemlərinin əsaslarını təşkil edir, vətəndaşların hüquq və azadlıqlarını təmin edib müəyyənləşdirir.
Azərbaycan Respublikasının Konstitusiya quruluşunun tarixi əsrlər boyu formalaşaraq müasir dövrümüzə qədər gəlib çatmışdır. Bu tarixi prosesdə Azərbaycanda müxtəlif idarəetmə formaları olmuş, hər bir dövr dövlətçilik ənənələrinin formalaşması və konstitusiya quruluşunun inkişafına təsir göstərmişdir. Azərbaycanda müasir mənada konstitusiya hüququnun əsasları XX əsrin əvvəllərində, Azərbaycan Xalq Cümhuriyyətinin qurulması ilə atılmışdır. 1918-ci ildə yaranmış Azərbaycan Xalq Cümhuriyyəti müsəlman şərqində ilk demokratik dövlət olaraq öz Konstitusiyasını hazırlamış və tətbiq etməyə başlamışdır. Bu dövrdə qəbul olunan qanunlar və əsasnamələr Azərbaycan cəmiyyətində konstitusiya dəyərlərinin əsasını qoymuşdur.
Azərbaycan tarixində isə ilk Konstitusiyanın qəbulu 1921-ci il Azərbaycan SSR-ın mövcudluğu dövründə qəbul edilmişdir. 1918-20-ci illərdə mövcud olmuş A.X.C-dövründə Ali Qanun qəbul edilməmiş, daha doğrusu buna imkan verilməmişdir. 1920-1991-ci illərdə mövcud olmuş Azərbaycan SSR-in dövründə 3 dəfə Konstitusiya qəbul edilib. 1921,1937 və 1978-ci illərdə qəbul edilmiş Konstitusiyalar SSR-in Konstitusiyası əsasında hazırlanmışdır.
1991-ci ildə Azərbaycan yenidən öz müstəqilliyinə qovuşsa da bir müddət Ali Qanunun qəbul edilməsi gecikdirildi. Yeni Konstitusiya yaradılmasının zərurətini bilən Ulu öndər Heydər Əliyev bunun üçün xüsusi komissiya yaratmış, Konstitusiya layihəsini xalqın müzakirəsinə vermişdir. Nəhayət 1995-ci il noyabırın 12-də Ümumixalq referendumu ilə Müstəqil Azərbaycanın ilk Konstitusiyası qəbul olunmuşdur. Bununla da hüquqi dövlət quruculuğunun əsasları qoyulmuşdur. Bu müstəqillik tariximizin ən mühüm hadisələrindən biri olmaqla yanaşı Ümummilli Lider Heydər Əliyevin Azərbaycan dövlətçiliyi qarşısında böyük xidmətlərindən biridir. Konstitusiyanın milli dövlətçilik tarixində müstəsna əhəmiyyətini nəzərə alaraq, 1996-ci ildən hər il noyabırın 12-si Konstitusiya günü kimi qeyd edilir.