“Gürcüstanda hansı Azərbaycan məktəbləri bağlanıb?” Bunu Azərinfo.az-a açıqlamasında Gürcüstan Azərbaycan Media Forumunun sədri, politoloq Arçi Çikoidze son günlər Gürcüstanda Azərbaycan məkltəblərinin kütləvi şəkildə bağlanması ilə bağlı yayılan məlumata münasibət bildirərkən deyib. Onun sözlərinə görə, Gürcüstanda çoxsaylı azərbaycanlıların yaşadığını nəzərə alaraq, Gürcüstanda mütləq sürətdə Azərbaycan məktəbləri fəaliyyət göstərməlidir: “Bu gün Gürcüstanda təqribən 40-50 Azərbaycan məktəbi fəaliyyət göstərir. Gürcüstanda heç bir Azərbaycan məktəbi bağlanmayıb. Hesab edirəm ki, bunlar sadəcə şayədir. Əgər məktəblərin bağlanması informasiyası düzdürsə, o zaman hansı məktəbin də, bağlandığını bildirməli idilər... Əgər bu cür dəqiq informasiya verilmirsə, bu dezinformasiyadan başqa bir şey deyil”.

Gürcvüstan politoloqu Gürcüstan və Azərbaycan arasında ədavət salmağa hesablanmış bu cür şayələrin yayılmasında kimlərin maraqlı olmasından da, danışdı: “Bu kimi şayələrin arxasında əlbəttə ki, milli maraqlar hərəkatı dayanır. Onlar mütləq sürətdə hakimiyyətə qayıtmaq istəyirlər. Ona görə də, onlar etnik millətlər arasında ədavət salmaq istəyirlər. Bu ədavəti hakimiyyətə gəlmək üçün tramplin qismində istifadə etmək istəyirlər”.



Ülkər