AZƏRBAYCAN KOMMUNİSTLƏRİNİN RƏHBƏRİ BAKI RAYON TƏŞKİLATLARININ QADIN FƏALLARI İLƏ 8 MART MÜNASİBƏTİ İLƏ GÖRÜŞ KEÇİRİB

8 Mart Beynəlxalq Qadınlar Günü münasibəti ilə özündə Rusiya Federasiyası Kommunist Partiyasının rəhbəri Gennadi Züqanovun siyasi və ideoloji baxışlarının tərəfdarlarını birləşdirən Azərbaycan Kommunist Partiyası özünün Bakı rayon təşkilatlarından olan bir qrup qadın fəalları ilə görüş keçirib. Görüşdə AKP Mərkəzi Komitəsinin sədri Gülnisə Əlisoltan qızı Məhsimova iştirak edib.
G. Məhsimova AKP qadın fəallarını 8 Mart bayramı ilə təbrik etdi və bu bayramın tarixi, habelə qadınların kapitalist cəmiyyəti şəraitində öz sosial-iqtisadi və vətəndaş hüquqları uğrunda mübarizəsindən danışdı. Azərbaycan kommunistlərinin rəhbəri qeyd etdi ki, Azərbaycan bu gün Zaqafqaziyada yeganə ölkədir ki, Beynəlxalq Qadındlar Gününü rəsmi şəkildə qeyd edir və onu qeyri-iş günü elan edib. Eyni zamanda qeyd edildi ki, qadınlar Azərbaycanın heç də bütün yerlərində 8 saatlıq iş gününə nail ola bilmirlər. Dövlət idarələrində 8 saatlıq iş günü normasına umumən riayət olunduğu halda, özəl müəssisələrdə qadınlar çox vaxt gündə 10-12 saat işləməyə məcbur olur. Bu isə, onların sağlamlığına zərər vurur.
AKP qadın fəalları həmçinin müəssisə və idarələrdə qadınların vəziyyəti haqqında danışdılar. Onların fikrincə, qadınlar arasında partiya işi gücləndirilməli və onların sosial-iqtisadi hüquqlarının reallaşdırılmasına daha çox diqqət yetirilməlidir.

http://left-az.livejournal.com