Azerinfo.az Moderator.az-a istinadən xəbər verir ki, fevralıən 2-də Klassik Xalq Cəbhəsi Partiyası İdarə Heyətinin növbəti toplantısı keçirilib.

İclasda qərarların icra vəziyyəti dəyərləndirilib, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.
Yığıncaqda partiya orqanlarının həftə ərzində gördüyü işlər qiymətləndirilib, KXCP Ali Məclisinin son sessiyasında qəbul edilmiş qərarların icrası istiqamətində müzakirələr davam etdirilib, ictimai siyasi vəziyyət və cari məsələlər müzakirə edilmişdir.
Yığıncaqda KXCP-nin növbəti qurultayına hazırlıqla bağlı Qurultaya Hazırlıq üzrə Təşkilat Komitəsinin təkliflər paketi müzakirə edilmişdir.
Yığıncaqda partiyanın rayon (şəhər) şöbələrinin 2015-ci il parlament seçkilərinə hazırlıqları ilə bağlı dəyərləndirmə aparılmışdır.
Yığıncaqda KXCP sədri Mirmahmud Mirəlioğlu ictimai-siyasi vəziyyətlə bağlı çıxış etmişdir. M.Mirəlioğlu Demokratiya və İnsan Haqları Mərkəzində təmsil olunan bir qrup siyasi partiya rəhbərinin 2015-ci ildə keçiriləcək parlament seçkiləri ilə bağlı siyasi birliklər və partiyalarla aparılan fikir mübadiləsi haqqında məlumat vermişdir.
İclasda Azərbaycan hakimiyyətinin Avropa Şurası Parlament Assambleyasında növbəti sessiyasındakı sınaqdan bir daha çıxa bilməməsi müzakirə edilmişdir. KXCP, Azərbaycan hakimiyyətinin Rusiya nümayəndə heyətinə qarşı tətbiq edilən sanksiyaların uzadılması ilə əlaqədar AŞPA-nın yeni qətnaməsi ilə bağlı səsvermədə işğalçını dəstəkləyən təslimçilik siyasətini pisləmiş və belə siyasətin torpaqları işğal altında olan Azərbaycan xalqının mənafeyinə uyğun olmadığı qeyd edilmişdir.