Müsavat ve AXCP-nin həmişə seçki bitdikdən sonra bloklari dağılıb və oyunlarına davam ediblər. Yenə də bir-birinə olan nifrət və aşağılamaq kampaniyası davam edib. Bu adamlar 22 ildən artıqdır ki, bir-biri ilə guyaki mübarizə aparırlar. Önə keçmək, birinci olmaq iddiasından əl çəkməyiblər. Beynəlxalq təşkilatların göstərişindən kənara çıxa bilmirlər, əgər bu il də sifariş gəlsə, parlament seçkilərində birgə blokla iştirak edəcəklər. Buna heç kimin şübhəsi olmasın. Bu satılmış siyasi düşərgənin Azərbaycan xalqından ciddi dəstəyi olmur. Sonuncu parlament seçkilərində birgə blokları var idi və 125 yerdən bir nəfər də olsun uğur qazanmadı. İnanmıram ki, növbət seçkidə də, uğur qazansın. Hal-hazırda satılmış müxalifətin sıralarından istefalar, ayrılmalar baş verir. Xalq bezibdir bunların maxinasiyalı oyunlarından, bunlar alver edib pul əldə edirlər, xalqın balalarını isə həbsdə çürütdürürlər. Zindan yaxsı həyatdırsa Əli Kərimli və Isa Qəmbər də 5 - 6 il orda yaşasınlar. Bir il öncəyə qədər satılmış müxalifət əhəmiyyətli dərəcədə xarici təşkilatlardan asılı idi. Amma indi xarici təşkilatlar belə onlara yaxın durmurlar. Artıq xarici təşkilatlar da onların sosial bazaya malik olmadıqlarını görürlər. Özlərini nə qədər xarizmatik lider obrazında göstərməyə çalışsalar da, xalq onların ətrafından qaçır. Bir il öncə gənclərin bəziləri onlara inanırdı. Bu gənclər gördülər ki, onlardan yalnız məqsədlər üçün istifadə olunur. Ona görə gənclər də onların ətrafından dağılmağa başladılar.

Nərmin Paşayeva

http://resmixeber.az