Prezident İlham Əliyev 2025 -ci il aprelin 26-da Çinin CGTN telekanalına verdiyi müsahibədə Azərbaycan-Çin əlaqələrinin inkişafı, regional əməkdaşlıq və mədəniyyət mövzularında ətraflı fikirlərini bölüşüb.
Cənab Prezident İlham Əliyev bildirdi ki, altı ildən sonra Çinə yenidən səfər edib.Bu vaxta qədər bir sıra tədbirlərdə Sədr Si ilə Prezident İlham Əliyevin görüşləri olub. Sonuncu dəfə isə iyul ayında Strateji Tərəfdaşlıq Haqqında Bəyannamənin qəbul edildiyi bir beynəlxalq tədbir çərçivəsində görüşmüşlər. Cənab Prezident müsahibəsində bildirmişdir:"Bu gün biz Sədr Si ilə hərtərəfli strateji tərəfdaşlıq əlaqələrinin qurulması haqqında Birgə Bəyanatı imzaladıq. Beləliklə, münasibətlərimizi daha yüksək səviyyəyə qaldırdıq. Bununla yanaşı, bir çox sahəni əhatə edən 20-dən artıq sənəd imzalandı. Bir sözlə, mən deyərdim ki, münasibətlər əladır. Səfər də, həmçinin. Nəticələrdən çox razıyam". Cənab Prezident İlham Əliyev Azərbaycanın Çinlə birlikdə suverenlik, ərazi bütövlüyü və çoxtərəfli əməkdaşlıq prinsiplərinə sadiq olduğunu vurğulayıb, Çindəki sürətli inkişafı və infrastruktur layihələrini yüksək qiymətləndirib. O, Çinin sosial - iqtisadi nailiyyətlərini və beynəlxalq arenadakı fəallığını təqdir edib.Prezidentimiz Azərbaycanın Çinlə enerji, infrastruktur və nəqliyyat sahələrində əməkdaşlığını vurğulayıb.O, Azərbaycanın Avrasiya nəqliyyat və loqistika mərkəzi kimi rolunu və " Bir Kəmər, Bir Yol" təşəbbüsündəki iştirakını qeyd edib. Azərbaycanın geostrateji mövqeyinə diqqət çəkən Prezident, ölkənin Asiya və Avropa arasında körpü rolunu oynadığını və bu sahədə Çinlə əməkdaşlığın əhəmiyyətini vurğulayıb. O, Azərbaycanın müasir nəqliyyat infrastruktruna malik olduğunu və infrastrukturun regional sabitliyin qorunmasında mühüm rol oynadığını qeyd edib.Azərbaycanın zəngin enerji resurslarının Çinə ixracı və Çinin "yaşıl enerji" texnologiyalarının Azərbaycanda tətbiqi imkanları müzakirə olunub.