Həm sərhədə xarici qüvvə yığır, həm də sülh istəyir - erməni hiyləsi
İrəvanın hiyləgər siyasəti regiondakı bütün dövlətlərə təhdid yaratmaqdadır; bu cür riyakar addımlar Rusiyanı və İranı da qıcıqlandıracaq
Co Bayden hökumətinin Azərbaycana son pisliklərindən biri də gethagetdə ABŞ və Ermənistan arasında yanvarın 15-də strateji tərəfdaşlıq haqda Xartiyanın imzalanması oldu. Həmin sənəddən yarım ay ötür. Artıq keçmiş dövlət katibi sayılan Entoni Blinken xartiya ilə bağlı bildirmişdi ki, Amerika tezliklə, bir həftəyə Ermənistana sərhəd təhlükəsizliyi ilə bağlı xüsusi qrup (əslində hərbi qrup) göndərəcək.
Ancaq üstündən 3 həftəyə yaxın keçsə də, bunu müşahidə etmirik. Ümumiyyətlə, Tramp hökuməti həmin vədi və sənədi unuda, kənara qoya bilərmi? Trampın vəzifəyə başlamasından 15 gün ötür. Müəyyən nəticələrə gəlmək mümkünmü, yoxsa 100 günü gözləmək lazım gələcək? Belə bir qrup, hər halda, Tramp dönəmində göndərilərsə, Bakının reaksiyası necə olacaq?
Qeyd edək ki, Azərbaycanın Ermənistanla sülh müqaviləsinin şərtlərindən biri də (sülh sənədində razılaşdırılmayan iki bənddən biri) sərhəddən üçüncü dövlətin qüvvələrinin çıxarılmasıdır. Ancaq İrəvan əksinə, sərhədə yeni xarici qüvvələr gətirir. Bir neçə gün qabaq isə Avropa İttifaqının yarımhərbi, casus müşahidə missiyasının Ermənistanın razılığı ilə daha iki il uzadılması haqda qərar qəbul olunub.
İrəvanın həm sərhədə xarici qüvvə yığmağa davam etməsi, həm də “sülh sənədini imzalamağa hazırıq” riyakarlığı daha nə qədər sürəcək?
Çingiz Qənizadə: Prezidentin parlament qarşısında qoyduğu mühüm vəzifələr layiqincə yerinə yetirilir - AZƏRTAC
Demokratiya və İnsan Hüquqları Komitəsinin sədri Çingiz Qənizadə “Yeni Müsavat”a bildirdi ki, ABŞ-la Ermənistan arasında imzalanmış xartiya ermənipərəst administrasiyanın öz mövqeyini bir daha nümayiş edirməsi idi. Bununla bir daha təsdiq etdi ki, haqlı-haqsız olaraq Ermənistanın yanındadır: “Bayden hakimiyyətindəkilərin bir çoxu birbaşa erməni lobbisi ilə işbirliyində idi. Bu işbirliyinin nəticəsi olaraq da xartiya meydana gəldi. Amma bu xartiyanın imzalanması o demək deyil ki, həmin sənəd əbədidir, dəyişilə, ləğv edilə bilməz. Ölkənin hakimiyyəti dəyişəndə ölkənin xarici siyasətində müəyyən dəyişikliklər də ola bilər. Sözügedən xartiya ABŞ-ın milli maraqlarına, dövlət maraqlarına xidmət edən sənəd deyil. O sənəd erməni diasporu və lobbisinin maraqlarına və Baydenin mənasız ermənipərəstliyinə xidmət edən sənəd kimi qəbul olunub. Ona görə də Donald Trampın o sənədi kənara qoyması ehtimalı istisna edilməməlidir. Tramp administrasiyasının siyasətinin necə olacağını yaxın zamanlarda daha aydın görəcəyik. Yanvarın 20-dən səlahiyyətlərinin icrasına başlayan prezident Tramp keçən iki həftə ərzində daha çox kadr təyinatları və bundan irəli gələn işlərlə daha çox məşğul oldu. Eyni zamanda onun ilk iki həftədə imzaladığı sənədlər Ermənistanla imzalanan xartiyadan fərqli olaraq Amerika iqisadiyyatına, maraqlarına fayda verəcək sənədlər idi. Amma Trampın xarici siyasətdə hələlik ciddi addımlar atdığını görmürük. Rusiya ilə bağlı müəyyən açıqlamalar verdi, Çinlə, Kanada ilə bağlı bəyanatlar səsləndirdi. Ancaq açıqlamadan o tərəfə addımlar atmayıb. Həmçinin Cənubi Qafqaz regionu ilə bağlı Trampın açıqlamasının şahidi olmamışıq. Tramp ehtiyatlı hərəkət edəcək. Ermənistan kimi zəif bir ölkə ilə tərəfdaşlıq xartiyasının ABŞ-a nə verəcəyini yəqin Tramp müzakirə edəcək və bir nəticəyə gələcək. Hesab edirəm ki, heç 100 günü gözləməyə ehtiyac olmayacaq. Yəqin ki, yaxın bir ayda ABŞ-Ermənistan, ABŞ-Azərbaycan, ABŞ-Cənubi Qafqaz münasibətlərində nələrin gözlənildiyi istiqamətində işartıları görəcəyik”.
Ç.Qənizadə qeyd etdi ki, Ermənistanın sərhədlərinə xarici qüvvələri yığmaq istiqamətində addımları, şübhəsiz, İrəvanın sülh bəyanatlarında səmimi olmadığını sübut edir: “Ermənistanın bu cür riyakar siyasəti hesab edirəm ki, həm Rusiyanı, həm də İranı qıcıqlandıracaq. Yəqin ki, yaxınlarda İran da səsini çıxarmağa başlayacaq. Azərbaycan isə onsuz da ilk vaxtlardan mövqeyini açıq ortaya qoyub ki, bir tərəfdən sülhdən danışıb o biri tərəfdən sərhədə xarici qüvvələri müxtəlif missiyalar adı altında gətirmək siyasəti qəbuledilməzdir və İrəvanın sülhdən uzaq olmasının göstəricisidir. Ermənistan ənənəvi hiyləgərliyini davam etdirir. Ancaq region dövlətləri Ermənistanın bu riyakarlığını və hiyləgərliyini, özündən məzlum dövlət obrazını yaradıb dünyanı aldatmaq siyasətini ifşa etməlidir. Çünki bu siyasət artıq regiondakı bütün dövlətlərin marağına ziddir və onlara təhdid yaratmaqdadır”.

Bu gün, 16:12
Prezident onları təltif etdi - Sərəncam
Bu gün, 16:08
Prezident Rüfət Mahmuda yüksək vəzifə verdi
Bu gün, 16:00
Əhaliyə XƏBƏRDARLIQ - Bu halda qazlarınız kəsiləcək
Bu gün, 15:30
20 yanvar dairəsində tıxac problemi necə həll olunacaq?
Bu gün, 14:22
"Sevgililər günü"nə olan hava proqnozu: intensiv yağış yağacaq
Bu gün, 13:49
"Sputnik-Azərbaycan" bağlanır: Bakı bərabərsizliyi aradan qaldırır
Bu gün, 13:41
İlham Əliyev Belarusun yeni səfirinin etimadnaməsini qəbul edib - Yenilənib
Bu gün, 12:32
Qarabağ erməniləri haqda fikirləri qalmaqal yaratdı - “Üzr istəsin!”
Bu gün, 12:28
Dünənki zəng dünyada nəyi dəyişəcək? - Avropa xəyanət adlandırır...
Bu gün, 12:23
"Cılız düşüncəlisən!" - Ermənistan parlamentində ara qarışdı
Bu gün, 12:20
Azərbaycan Ermənistandan tam təzminat tələb edir
Bu gün, 11:54
Prezident vergi forumunun iştirakçılarına müraciət edib
Bu gün, 10:52
İlham Əliyev Belarusun yeni səfirinin etimadnaməsini qəbul edib
Bu gün, 10:48
Prezident Paraqvayın yeni səfirinin etimadnaməsini qəbul edib
Bu gün, 10:44
Tramp Putinlə bu ölkədə görüşmək istəyir
Bu gün, 10:40
Ceyhun Bayramov Almaniyaya işgüzar səfərə yola düşüb
Bu gün, 10:35
Tramp-Putin danışığının DETALLARI: Kimlər itirəcək...
Bu gün, 10:32
İlham Əliyev Birol Akgünün etimadnaməsini qəbul edib
Bu gün, 09:55
Lirə ucuzlaşdı, avro və rubl bahalaşdı - Günün məzənnəsi
Bu gün, 09:43
Trampdan Ukraynanın məğlubiyyətini bildirən bəyanat
Bu gün, 09:38
ABŞ Dövlət katibi Yaxın Şərqə ilk səfərini edəcək
Bu gün, 09:00
Sürücülər qanunsuz cərimənin ləğvi üçün nə etməlidir? - İZAH
Dünən, 19:09
Prezident ona yüksək VƏZİFƏ VERDİ
Dünən, 16:00
Əsəd rejimi dolları belə çap edirmiş - FOTO
Dünən, 15:30
Qərbin yeni planı: rus neftini daşıyan tankerləri ələ keçirmək
Dünən, 14:22
İsraillə sərhəddə olan orduya döyüş hazırlığı əmri verildi
Dünən, 13:48
İlham Əliyevin Somali Prezidenti ilə lanç əsnasında geniş tərkibdə görüşü olub