«Onlar qoca kişilərin qucaqlarına oturanda həyatlarına nifrət edirlər. Fahişə deyillər, amma fahişəlik edirlər. Onlar Yaponiyadakı «məktəbli ehtiraslılar» adlı meynstrimin qurbanları və bəlkə də o meynstrimi özlərinə qurban etməyə çalışanlardır. Rəsmən fahişə yox, rəqqasələrdir. Amma Tokioda hamı bilir ki, onlar nə işlə məşğul olurlar»

Vice News-un reportyoru Saymon Ostrovski Tokionun mərkəzindəki Akihabara səmtinə yollanaraq vücudlarını satan tələbə və məktəbli qızlarla bağlı reportaj hazırlayıb.

Milli.Az bildirir ki, «Schoolgirls for Sale in Japan» reportajında Tokionun əxlaqsızlıq yuvalarında, bordellərində vücudlarını müştərilərə «təklif» edən məktəbli və tələbə qızların yaşamından bəhs olunur.
Tokiolular belə qızlara «coşi-kose osanpo» deyirlər.

Qızlar müştərilərə falçılıq, masaj, habelə «birgə gəzinti» xidmətləri göstərirlər. Onlar «müstəqil» işləmirlər: hər «coşi-kose osanpo»nun sahibi, sutenyoru var.

Adının çəkilməsini istəməyən məktəbli qızlardan biri Saymon Ostrovskiyə deyib: «16 yaşım olanda bədənimi satmağa başlamışam. Anam ruhi xəstədir, mənə və qardaşıma baxa bilmir. Akihabarada ilk dəfə «iş»ə çıxanda özümü çox pis hiss edirdim. Sonra alışmalı oldum. Nə edim?! Başqa çıxış yolum yoxdur».

Akihabaradakı yeniyetmə fahişələrin müştərilərinin əksəriyyəti qocalardır.
Qızları bordellərin cəngindən almağa çalışanlar da var.

Yumeno Nito belə insanlardan biridir. O, indiyədək 100 yeniyetmə qızı Akihabaradakı bordellərin bataqlığından xilas edib.

«Mən də yeniyetmə olanda burada «iş» təklifi aldım. Rədd etdim o təklifləri. Amma tanıdığım xeyli qız var ki, Akihabarada məhv oldular. Ya intihar etdilər, ya da ümumiyyətlə, yoxa çıxdılar», — Yumeno Nito deyir.

VİDEOYA BU LİNKDƏN BAXA BİLƏRSİNİZ