Norveçdə bir ev yerləşdiyi ada ilə birlikdə 10 qəpiyə satışa çıxarılıb.

Azerinfo.az-ın Publika.az-a istinadən xəbər verir ki, bu ölkənin Şimal Qütb Dairəsindəki Buoya adasındakı köhnə ev sadəcə 10 qəpiyə satışa çıxarılıb. Qeyd edək ki, Şimal Qütb Dairəsində 1970-ci ildən yaşayış yoxdur. Buoya adasındakı yeganə evin sahibi Kent Karlsen çürüməkdə olan evi bu səbəbdən satışa çıxarıb. Hazırda başqa yerdə yaşayan evin sahibi bildirib ki, o, köhnə mənzilinin boş qalmasını istəmir:

“Mən sadəcə həmin evi yenidən inşa edəcək birini axtarıram. Pul mənimçün əsas deyil. Adada başqa mülk olmadığından evi alan bütün adaya sahib olacaq”.