Bu gün futbol üzrə Çempionlar Liqasında 1/8 final mərhələsinin ilk oyunlarına start veriləcək.

Azerinfo.az qol.az-a istinadən xəbər verir ki, ilk oyun gününə iki qarşılaşma nəzərdə tutulub.

Son Fransa çempionu PSJ öz meydanında "Çelsi"ni qəbul edəcək. Günün digər qarşılaşması Ukraynada keçiriləcək. Burada yerli "Şaxtyor" klubu Almaniya nəhəngi "Bavariya"nı sınağa çəkəcək.

Hər iki oyun Bakı vaxtı ilə saat 23:45-də başlayacaq.

Qeyd edək ki, 1/8 finalın digər iki oyunu sabah, qalan 4 oyunu isə 24-25 fevral tarixlərində keçiriləcək.