Futbol üzrə Azərbaycan I Divizionunda çıxış edən Gəncənin "Kəpəz" və Şəmkirin eyniadlı klubu yoxlama görüşü çərçivəsində üz-üzə gəlib. Matç sonuncuların meydanında baş tutub. Yoldaşlıq oyunu olmasına baxmayaraq stadiona toplaşan azarkeşlər prinsipial "qərb derbisi" izləyib. Heyətə cəlb olunan yeni futbolçuların nəyə qadir olduğunu və ümumilikdə komandaların hazırlıq səviyyəsini yoxlamaq məqsədi ilə keçirilən görüş ev sahiblərinin 2:0 hesablı qələbəsi ilə yekunlaşıb. Məşqçilər hər hissədə meydana fərqli heyət buraxıb. Xatırladaq ki, "Şəmkir" təlim-məşq toplanışı çərçivəsində bundan öncə keçirdiyi yoxlama oyununda Qazaxın "Göyəzən" komandasına 2:1 hesabı ilə qalib gəlib. Şəmkirlilərlə oyun isə "Kəpəz"in fasilə müddətində ilk sınaq matçı olub.

kepeztv/az