Şağan Olimpiya İdman Kompleksində gənclər arasında cüdo üzrə ölkə birinciliyi düzənlənib. Gəncə cüdoçuları da paytaxtda keçirilən Respublikanın ən güclülərinin müəyyənləşdiyi yarışda qüvvəsini sınayıb. Mükafatlar uğrunda mübarizədə Nizami yurdunu baş məşqçi Ceyhun Bayramovun rəhbərliyi altında 20 tatami ustası təmsil edib. Gəncəlilər 7 çəki dərəcəsi üzrə həm qızların, həm də oğlanların yarışında güclünü ayırd edib. Zəriflərdə 4, oğlanların mübarizəsində isə 16 idmançı qalib olmaq üçün bacarığını ortaya qoyub. Cüdoçulardan yalnız ikisi mükafatçılar sırasına düşə bilib. 73 kq-da çıxış edən Ramin Məsməliyev yalnız finalda məğlub olaraq gümüş medala yiyələnib. Digər medalı Gəncə komandasına İlkin Babazadə qazandırıb. 60 kq çəkidə yarışan cüdoçu bürünc mükafata layiq görülüb.

kepeztv.az