Turnirdə 159 şahmatçı qüvvəsini sınayıb.

Birincilik iştirakçıların gücünə əsasən 3 qrup üzrə reallaşıb. A qrupunda daha güclü, B-də bacarığı orta səviyyəli, C-də isə təcrübəsi az olan şahmatçılar yer alıb. 27 iti zəka sahibinin çıxış etdiyi A qrupunda 7 oyuna 6,5 xal toplayan Məhəmməd Kərimzadə 1-ci, Babək Cəfərli 2-ci, İlyas Qarayev 3-cü olub. 88 şahmatçının yarışdığı B qrupunda 5 oyunda maksimum nəticə göstərən Faiq Qasımzadə qalib gəlib. Sonrakı pillələri Saleh Vəliyev ilə Rəcəb Muradov tutub. 44 idmançının mübarizə apardığı C qrupunda isə baş mükafatı bütün görüşlərini qələbə ilə başa vuran Seyfulla Qasımzadə qazanıb. Eyni xala malik Ümid Gözəlovla Nihad Quliyev 2-3-cü yerləri bölüşdürüb.

Sonda əlavə edək ki, ənənəvi turnir İsveçrə sistemi üzrə keçirilib. Yarışın qalibləri fəxri fərmanla təltif olunub.

kepeztv.az