Azərbaycan prezidenti İlham Əliyev 2015-ci il Gənclər üçün Prezident mükafatlarının verilməsi haqqında sərəncam imzalayıb. Sərəncama əsasən, elm, mədəniyyət, təhsil və ictimai fəaliyyət sahələrində xüsusi fərqlənən şəxslərə 2015-ci il Gənclər üçün Prezident mükafatları verilib.

Mükafat alanlardan biri də Azərbaycan Milli Elmlər Akademiyası Gəncə bölməsinin doktorantı, İsveç Kral Akademiyasının müxbir üzvü Elnur Həsənovdur. Ölkəmizlə yanaşı İsveç, Yaponiya, ABŞ, Sinqapur, Almaniya, Fransa, Rusiya, İtaliya, Böyük Britaniya və digər nüfuzlu ölkələrdə çap edilən çoxsaylı elmi yazıların müəllifi olan gənc alim bu mükafata elmdə əldə etdiyi yüksək nailiyyətlərə, elmin zənginləşdirilməsi və inkişafına xidmət edən fəaliyyətinə görə layiq görülüb.
Elnur Həsənov hazırda Azərbaycan Milli Elmlər Akademiyası Gəncə bölməsinin doktorantı, Mütəxəssislər Şurasının sədri və Yeni Azərbaycan Partiyasının Gəncə şəhər Təşkilatının İdarə Heyətinin üzvü, Partiyanın şəhər təşkilatının Gənclər Birliyinin sədr müavinidir.

kepeztv.az