“Barselona”nın və İspaniya millisinin hücumçusu Lamin Yamal sosial şəbəkələrdə açıqlama verib.

Ustedadlı futbolçu İspaniya – Misir oyunu zamanı bəzi azarkeşlərin səsləndirdiyi hörmətsiz şüarları tənqid edib.

“Dünən stadionda belə bir şüar səsləndi: “Kim tullanmazsa, o müsəlmandır”. Başa düşürəm ki, bu şüar rəqib komandaya ünvanlanmışdı və mənə qarşı deyildi, amma müsəlman olaraq bunu hörmətsizlik və yolverilməz davranış hesab edirəm. Bilirəm ki, bütün azarkeşlər belə deyil, amma bu cür şüarlar səsləndirənlərə demək istəyirəm ki, dini təhqir vasitəsi kimi istifadə etmək sizi cahil və irqçi edir. Futbol insanlara zövq və dəstək üçün yaradılıb, kim olduqlarına və ya hansı inanca sahib olduqlarına görə təhqir etmək üçün deyil”.

Xatırladaq ki, İspaniya və Misir milliləri matçda 0:0 hesabı ilə heç-heçə edib.(publika)