Rafil Hüseynovun MTN-də işləyən qohumunu ağır cəza gözləyir

Bir neçə gün əvvəl məlumat vermişdik ki, Masallının icra başçısı Rafil Hüseynovun başı çox böyük bəlaya girib. Redaksiyamıza verilən məlumatda iddia olunurdu ki, buna səbəb icra başçısının bacısı oğlunun MTN-də baş verənlərdə adının bir sıra olaylara qarışmasıdır.

Həmin məlumatlarda vurğulanırdı ki, Hüseynovun bacısı oğlu MTN-də post sahibi olub və onunla bağlı ciddi araşdırmalar başlayıb. Bu gün redaksiyamıza xəbər daxil olub ki, artıq Masallının icra başçısının qohumuna cinayət işi qaldırılıb. O, bir sıra ağır cinayətlərdə ittiham olunur və barəsində həbs qərarının veriləcəyi gözlənilir.

Məlumatlarda vurğulanır ki, Rafil Hüseynov baş verənlərdən ciddi şəkildə narahat olmağa başlayıb. Belə ki, o, bacısı oğlunun MTN-də qarışdığı olaydan dolayı böyük bir risqin altında olduğunun fərqindədir. Və icra başçısı artıq əmindir ki, onu təkcə işdən çıxarılma deyil, həmçinin cəza da gözləyə bilər. Ona görə ki, MTN məsələsində əli olan heç bir şəxsə hakimiyyət dairələri güzəşt etmirlər.

Qarşı tərəfi də dinləməyə hazırıq.