"Qafqazinfo"nun verdiyi xəbərə görə, H.Cavid prospektində yerləşən tikintisi davam etdirilən binada bir nəfər özünü atmaq istəyib. Hadisə şahidlərinin verdikləri məlumata görə, intihar etmək istəyən şəxs həmin binada işləyən fəhlə imiş. O, 200 manat əmək haqqını ala bilmədiyi üçün özünü öldürmək istəyir.

Hadisə şahidlərinin "Qafqazinfo"ya verdikləri məlumata görə, keçirilən əməliyyat tədbirləri nəticəsində, kəndir vasitəsi ilə binanın damından düşən FHN əməkdaşı özünü öldürmək istəyən fəhləni xilas edib.

----------

14:45

Bakıda gənc çoxmərtəbəli binadan özünü ataraq intihar etməklə hədələyir.

Ülvi Nadiroğlu adlı oxucunun Milli.Az-a verdiyi məlumata görə, bir nəfər gənc oğlan Hüseyn Cavid prospektində, metronun "Elmlər Akademiyası" stansiyasının yaxınlığında yeni inşa edilən binalardan birindən özünü ataraq intihar edəcəyini deyir.

Hələlik onun bu cəhdinin səbəbi məlum deyil.

Hadisə yerinə hüquq-mühafizə orqanlarının əməkdaşları cəlb ediliblər.