Azərbaycanda körpə həkim səhvinin qurbanı oldu

Prezident İlham Əliyevin sosial şəbəkə hesablarında Qurban bayramı münasibətilə paylaşım edilib

Prezident müşavirə keçirib - FOTOLAR

İlham Əliyev: WUF13-ə ev sahibliyi etmək bizim üçün böyük şərəfdir

İlham Əliyev "Euronews" televiziyasına müsahibə verib

Prezident və TDT-nin qeyri-rəsmi Zirvə görüşünün digər iştirakçıları Türküstanda bir sıra mədəni məkanlarla tanış olublar

İlham Əliyev Türküstanda TDT-nin qeyri-rəsmi Zirvə görüşündə iştirak edir

İlham Əliyev Qazaxıstanda işgüzar səfərdədir

İlham Əliyev Slovakiya Milli Şurası sədrinin başçılıq etdiyi nümayəndə heyətini qəbul edib

Azərbaycanda körpə həkim səhvinin qurbanı oldu

Hadise

Oxunub: 2 122

21 iy 2014 | 13:15

Ağdam rayonunda doğulan əkizlərdən biri ölüb
Azərbaycanda körpə həkim səhvinin qurbanı oldu

Azərbaycanda daha bir yeni doğulmuş uşaq ölümü qeydə alınıb. Hadisə iyulun 19-da Ağdam Mərkəzi rayon Xəstəxanasında baş verib. Belə ki, 1990-cı il təvəllüdlü Aynur Səfərova doğuş üçün xəstəxanaya yerləşdirilib.

Atası Fikrət Səfərovun sözlərinə görə, yarımçıq doğulan əkizlər üçün xəstəxanada küveyz olmayıb: �Nəhayət, küveyz tapıldıqdan sonra onu işlədə bilən həkimin Bərdədə olduğunu bildirdilər. Bərdədən həkimi də gətizdirdik. Gördük ki, burada problem olur, təklif etdik ki, ya Bakıya, ya da Gəncəyə aparmağa göstəriş versinlər. Dedilər ki, bizim buna ixtiyarımız yoxdur�.

F.Səfərovun sözlərinə görə, daha sonra Bakıya aparmaq üçün uşaqları atasına veriblər: �Lakin bunun üçün hansısa təcili yardım avtomobili verilməyib. Əkizləri taksi ilə Bərdəyə, orada da həkim qəbul etmədiyi üçün Bakıya gətiriblər. Uşağın biri yolda dünyasını dəyişib. Bakıdakı həkimlər bildirdilər ki, əgər uşaqlar vaxtında Bakıya çatdırılsaydı, ölüm faktı baş verməzdi�.

F.Səfərov həmçinin qeyd edib ki, ananın vəziyyəti normaldır, xəstəxanadan çıxarılıb.

Ağdam Mərkəzi Rayon Xəstəxanasının baş həkimi Gülnar Abbasova isə açıqlamasında bildirib ki, Aynur Səfərovanın ailəsi məcburən, həkimlərin icazəsi olmadan uşaqları xəstəxanadan çıxarıb: �1 kq və 1 kq 200 qram çəkidə doğulan uşaqlar idi. Yarımçıq doğuş idi. Onların yaşamaq şansı çox az idi. Ona görə də o uşaqların nə Bərdəyə, nə də Bakıya aparılmasına icazə vermirdik. Bizim xəstəxanada küveyz var. Uşağın ikisi də küveyzə qoyulmuşdu. Lakin uşaqların qohumları təkid edirdi ki, uşaqları Bərdəyə aparırıq�.

G.Səfərova əlavə edib ki, A.Səfərova hamiləliyi dövründə onların xəstəxanasında müalicədə olunmayıb: �Aynur Səfərova bizim xəstəxananın ərazisində yaşasa da, 7-ci ayına qədər Bərdədə müalicə olunub. Buna baxmayaraq, xəstəxanaya gətiriləndə biz onu qəbul etdik, gec saatlarda olmasına baxmayaraq, həkimi Tərtərdən geri qaytardım. Ana xəstəxanaya ağrıları başlamış vəziyyətdə gətirilmişdi. Biz ona sevindik ki, əsas ana xilas oldu. Çünki çox çətin vəziyyətdə idi.

Doğuşdan iki gün əvvəl ana qarpızdan zəhərlənmişdi. Ola bilər ki, ana zəhərləndiyi üçün də erkən doğuş olub�.