Goranboy rayon Aşağı Ağcakənd qəsəbəsində yaşayan Xocalı rayon Kosalar kənd sakini Hümbətov Mikayıl Əvəz oğlu Azerinfo.az saytının redaksiyasına ərizə ilə müraciət edib.
Şikayətçi yazıb bildirib ki, 2003-cü ilin yanvar ayından Ağcakənd qəsəbəsinə köçürülmüşəm həmin illərdə məndə Xocalı rayon İcra Hakimiyyətində baş iqtisadçı vəzifəsində işləyirdim. Həmin köçürülmə dövründə bütün sakinlər evlə təmin olunsa da təəssüf ki, mənə dövlət tərəfindən tikilən evlərdən mənə ev verilməmişdir. Bu günə qədər də təəsüflər olsun ki, mənim bu məsələmlə əlaqədar vəd versələr də bu günə qədər də mən evlə təmin olunmamışam. 3 övladım var və mənim də 50 yaşım var. Nəzərinizə çatdırıram ki, özüm 2-ci qrup əliləm, müharibə veteranıyam, Xocalı rayon Kərcigahan qəsəbə sakiniyəm, ali təhsilliyəm. Azərbaycan İqtisad Universitetini bitirmişəm. Dəfələrlə yazdığım ərizələrin cavabında məni Ağdam rayon sakini kimi qələmə verirlər. Sizdən xahişim odur ki, mənim pozulmuş hüquqlarımı bərpa olunmasında köməklik edəsiniz və gec də olsa bizim ailəni də sevindirərək evlə təmin olunmasına köməklik göstərəsiniz.
Ərizəmi özüm yazdım və imzamla təsdiq edirəm.


17.09.2015-ci il

İmza: Hümbətov M.Ə.