İngiltərədə 18 yaşı tamam olmamış hər 10 gəncdən 6-sı seks mesajı yazır. Ailem.az-ın məlumatına görə, bu, NSPPCC və Childline təşkilatlarının keçirdiyi sorğu zamanı müəyyən olunub. Sorğunun nəticəsinə görə, bu gənclərin yüzdə 40 faizi seksual məzmunlu şəkillər, ya da videolar hazırlayır, dörddə biri isə bu cür mesajları başqalarına göndərirlər

NSPPCC-nin müdiri Peter Vanless gənclər arasında seks yazışmalarının get-gedə daha çox yayıldığını bildirib. "Newsnight" proqramında danışan Vanless seks mesajlarının artıq yeniyetməlik çağında olanların sevgi münasibətlərinin özəl bir hissəsinə çevrildiyini deyib. Onun sözlərinə görə, yetkinlik çağına çatmamış insanlar özlərinə aid intim şəkillərini başqalarına göndərməyi normal qəbul etməyə başlayıblar. Gənclər bu şəkilləri ən çox qız, ya da oğlan dostlarına göndərirlər.

NPSCC və Childline təşkilatları sorğu çərçivəsində İngiltərənin müxtəlif bölgələrindən olan 450 gənclə görüşüb. Onlardan 58 faizi belə şəkilləri sevgililərinə, digərləri isə virtual aləmdə tanış olduqları, amma real həyatda görmədikləri adamlara göndərdiklərini deyiblər.
"Newsnight" proqramına danışan 19 yaşlı Daniel bir dəfə bir qız tərəfindən ona bu cür şəkil göndərildiyini deyib: "Səhəri gün qızla mübahisə etdik. Amma səbəb çəkil deyildi. Çox əsəbi idim. Həmin şəkli başqalarına yaymağa başladım. Sonra özümü piss etdim. O gündən bəri qız mənə nifrət edir. Mən gərək o cür hərəkət etməyəydim".
17 yaşlı Taylorun fikrincə isə, qızlar diqqət çəkmək istədikləri üçün seks mesajları göndərirlər, ancaq bu, heç də doğru deyil.
Mütəxəssislər hazırda ucuz telefonların belə kamera, internet funksiyalarının olduğunu və məhz buna görə də seks mesajlaşmaları göndərməyin asanlaşdığını deyirlər. Bu hallarda istismar təhlüksi ilə də qarşılaşmaq ehtimalı çoxdur. Belə ki, mütəxəssislər bu cür uyğunsuz şəkillərin yanlış əllərə düşəcəyindən qorxurlar. Bu şəkillərdən istifadə edən istismarçılar qızları şəkillərini valideynlərinə göndərməklə şantaj edərək onlardan daha artıq şey etmələrini tələb edirlər. Odur ki, gənclərin bu sahədə məlumatlandırılması çox vacibdir.