Türkiyə parlamentində iyunun 30-da keçiriləcək səsvermə ilə parlamentin sədri seçiləcək

Parlament sədrliyi üçün AKP müdafiə naziri Sivas millət vəkili İsmət Yılmaz, CHP Antalya millət vəkili Dəniz baykalı, MHP İstanbul millət vəkili Əkmələddin İhsanoğlunu, HDP isə Mərsin millət vəkili Dengir Mir Mehmet Fıratı namizəd göstərib.

Parlament sədrini seçmək üçün ilk səsvermə iki turda bu ayın 30-da keçiriləcək. Əgər sədr seçilməsə ikinci səsvermə isə iyulun 1 də 3-cü və 4-cü turlarda keçiriləcək.

Keçiriləcək ilk iki turda namizədlər parlamentin tam tərkibinin üçdə ikisi, yəni 376 səs üçün mübarizə aparacaq.

İlk iki turda nəticə əldə olunmasa o zaman üçüncü turda tam tərkibin (550) yarısından çox, yəni 276 səs uğrunda mübarizə davam edəcək.

Üçüncü turda da nəticə əldə olunmasa bu səsvermədə ən çox səs toplamış iki namizəd üçün dördüncü tur keçiriləcək. Dördüncü turda ən çox səs toplayan namizəd parlamentin sədri seçiləcək.

7 iyun parlament seçkilərindən sonra parlamentdəki millət vəkillərinin sayı belədir:

AKP 258
CHP 132
MHP 80
HDP 80