Ölkədə istehsal və qida məhsullarının idxalı azalıb, əhalinin yaşamaq ümidi qırılıb.

Ermənistanda yerli istehsal və qida məhsullarının idxalı tamamilə azalıb.

ANS PRESS-in məlumatına görə, bu ilin yanvar-aprel aylarında qida məhsulları istehsalının həcmi 82,2 milyard dram ($172,6 milyon) təşkil edib ki, bu da 3,1% illik azalma deməkdir.

Yerli mətbuat yazır ki, indi əhalinin yaşamaq ümidi qırılıb, ay ərzinə bir ailəyə cəmi 6,8 min dram, 14,4 dollar düşür. Yəni bir ailə ayda bu qədər vəsaitlə keçinməlidir. Aprel ayında bir kiloqram mal ətinin qiyməti 2,5 min dram, təqribən 6 dollara yaxın olub. İstehsal həcmində ən böyük düşməyə məruz qalan əsas qidə məhsulları arasında çörək və çörək məhsulları da var. Belə ki, ilk dörd ayda çörək istehsalı 1,8 min ton və ya 1,8%, makaron məmulatları isə 0,6 min ton, yəni 34,7% azalıb.

Ermənistanın Milli Statistika Xidməti təsdiqləyir ki, xarici ticarət haqqında məlumatlar üzücüdür. Belə ki, qida məhsullarının idxalı ilk rübdə 24,1 milyon dollar azalıb. Aydındır ki, yerli istehsalatla bağlı danışmaq yersizdir. Bu sahədə idxalın aktivləşməsi mümkünsüz görünür.

İrəvanda narazılıqlar durmadan artır və bura istehsalçılar və idxalatçılar da qoşulublar. Onlar ölkə rəhbərliyini günahlandırır, bir qrup insanın iqtidarı özəlləşdirdiyini, xalqı isə məhvə sürüklədiklərini söyləyirlər: "Ölkədə ciddi problemlər mövcuddur. Hər yanı aclıq, yoxsulluq, səfalət bürüyüb. Günbəgün vəziyyət fəlakətli hal alır. Həqiqətən, Ermənistanın gələcək taleyi sual altındadır. Onun-bunun yedəyində gəzməklə inkişaf olmaz."