“Ax, idbar!”

Basketbol üzrə Avropa Liqasının Rusiyanın Mərkəzi Ordu İdman Klubu (MOİK) və yunan “Olimpiakosu” arasında keçirilən yarımfinal matçında (68:70) hakimlərdən biri – ukraynalı Boris Rıjik şübhəli hakimliy ilə yadda qalıb.

Azerinfo.az xəbər verir ki, o, bütün şübhəli vəziyyətlərdə yunanların xeyrinə qərar çıxarırmış. Rusiyanın “NTV+” idman kanallarında işləyən məşhur şərhçi Vladimir Qomelski isə buna dözməyib.

“Mən indi Ukrayna və Rusiya münasibətlərindən danışmaq istəməzdim, amma hələ ki, Rıjik bizim xeyrimizə bir dəfə də fit çalmayıb”, - deyə, Qomelski epizodlardan birini belə qiymətləndirib.

Şərhçinin səbr kasası isə ukraynalı referinin blokşot yerinə yetirən Saşa Kauna qarşı fol qərarı çıxarmasından sonra daşıb:

“Ax, idbar! Ax, idbar! Belə blokşotu korladı. Hakim deyil, göbələkdir”, - deyə, Vladimir Qomelski bildirib.

Həmin anın görüntülərini təqdim edirik.