ABŞ, Rusiya və Çin arasındakı potensial münaqişə Yer səthindən kosmosa keçə bilər

Azerinfo.az xəbər verir ki, ABŞ öz kosmik peyklərini Rusiyanın “qatil peyk”lərindən və Çin raketlərində qorumaq üçün 5 milyard dollar xərcləməyi düşünür.

Dövlət rəsmisi Debora Li Ceyms Rusiyanın kosmik aparatları ilə bağlı qorxusunu bildirib. Rus peykləri daha yüksək orbitlərdən enərək digər kosmik obyektlərə yaxınlaşa bilir.

Amerikanlar artıq bu peyklərə “qatil peyk” adı veriblər. “Qatıil peyk”lər digər aparatlara yaxınlaşaraq onlara bomba yerləşdirə yaxud taran zərbəsi endirə bilərlər.

Amerikanlar həmçinin Çinin kosmik peykləri vurmaq üçün raketlərindən qorxurlar. 2007-ci ildə Çin yerdən buraxdığı raketlə istifadəsiz qalmış peyki vurmuşdu.

ABŞ bu iki dövləti potensial təhlükə sayır və kosmik hücum hazır olmaq üçün növbəti 5 ildə yerinə yetiriləcək məxfi proqrama 5 milyard dollar ayıracaq.