Ukraynanın şərqində həlak olan rus hərbçiləri Rusiya Baş Qərargahının göstərişinə əsasən krematoriyalarda yandırılır.

Azerinfo.az Axar.az-a istinadən xəbər verir ki, bunu Ukrayna Təhlükəsizlik Xidmətinin rəhbəri Valentin Nalivayçenko verdiyi açıqlamasında deyib.

Onun sözlərinə görə, yanvarın 20-si və 23-də Rusiya Silahlı Qüvvələri Baş Qərargahının göstərişinə əsasən separatçıların nəzarətində olan ərazilərə 7 mobil səyyar krematoriyalar göndərilib.

Nalivayçenko bildirib ki, hər krematoriyada sutka ərzində 8-10 meyit yandırılır.

Məlumata görə, “ölüm sobaları” Rusiya hərbi kəşfiyyatçıları tərəfindən koordinasiya olunur.

Xidmət rəhbəri hər gün onlarla rus vətəndaşının Ukraynaya göndərilən hərbçiləri axtarmaq üçün müraciət etdiyini deyib.