Misirdə Şeyma Sabbəğin polis tərəfindən öldürülməsindən sonra dünən başlayan 25 yanvar inqilabı aksiyalarında özlərini “Əlqab əs-Sövri” adlandıran silahlı qruplar artıq silahlı mübarizəyə başlayıblar.
Azerinfo.az Avropa.info-ya istinadən xəbər verir ki, hər hansı bir təşkilata bağlı olmadıqları deyilən qruplarda Sisi inqilabına qarşı çıxan bütün təşkilatlardan gənclər iştirak edir.

Əldə olunan məlumata görə “Əlqab əs-Sövri” qruplaşması il yarımdır davam edən zorakılıq hallarına qarşı təşkilatlanmış liberal, sosialist və İslam tərəfdarı gənclərin birgə səyilə meydana gəlib.

Silahlı qrupların bəzi bölgələrdə barrikadalar qurduğu, polis və baltaçı kimi tanınan dəstələrə qarşı hücumlar təşkil etdiyi bildirilir.

Polislərə qarşı güc tətbiq edən və polis avtomobillərini yandıran qruplaşmaya qarşı Sisi rejiminin necə addım atacağı hələ ki, məlum deyil.

Sina yarımadasında zəif olan Misir ordusu bu günə qədər inqilaba qarşı baş qaldıran yerli xalqa qan uddurmuş və təxminən 5 mindən çox mülki vətəndaş həlak olmuşdu.