Artıq "İŞİD" Kobanidən şərqə tərəf geri çəkilib.


Elxan Əhmədov Azərinfo.az

Kürdlərin yerli müdafiə bölmələri YPG Kobani şəhərinin 90 faizini "İŞİD"dən geri alıb.

İnterAz-ın Suriya İnsan Hüquqları Müşahidə Qrupuna istinadla verdiyi xəbərə görə, "İŞİD" Kobaninin şərqinə tərəf geri çəkilib. Məlumata görə, "İŞİD" burada ən az 12 itki verib.

Mənbənin məlumatına görə, "İŞİD" bu döyüşlərdən öncə Kobaniyə 140 nəfərdən ibarət yeni hərbi təlimlərdən çıxmış bir briqada göndərib ki, onların əksəriyyətini 18 yaşdan aşağı yaşı olan yeniyetmə uşaqlar təşkil edib. Elə son sutkada ölənlərdən 6-sı da 18–dən aşağı yaşlı yeniyetmələr olub.

Qeyd edək ki, "İŞİD" 4 ay öncə Hələbin Türkiyə sərhədində yerləşən Kobanini mühasirə almağa başlayıb. Şəhərin böyük əksəriyyətini ələ keçirən "İŞİD" peşmərgənin dəstəyi və müttəfiqlərin aviazərbələrindən bəhrələnən YPG qarşısında geri çəkilməli olub.