Bu gün Donetsk vilayətinin Qorlovka şəhərində baş verən şiddətli atışma zamanı Ukrayna ordusuna məxsus təyyarə havadan zərbə endirib. Tvzvezda.ru saytı məlumat verir ki, Qorlovka şəhərinə hava zərbəsi zamanı 500 kq-lıq aviabombalar atılıb. Bu haqda DXR-nın rəhbəri A. Zaxarçenko TASS-a məlumat verib.
Onun sözlərinə görə son günlər Qorlovkada baş verən atışmalar zamanı və Ukrayna hərbçilərinin törətdiyi cinayətin nəticəsində 30-a yaxın mülki şəxs həlak olub, onların arasında uşaqlar da var.
Xatırladaq ki, son günlər Donetsk vilayəti və Donetsk aeroportu ətrafında şiddətli döyüşlər gedir.