İslamçı-terrorçulara qarşı sərt açıqlamaları ilə gündəmə gələn amerikalı media maqnatı Rapert Merdok "Foks Nyus" internet saytında müsəlmanlara qarşı qıcıqlandırıcı açıqlamalar verib.

Musavat.com-un məlumatına görə, Rapert Merdok bir neçə gün öncə Paris terrorundan danışarkən sərt ifadələr işlətmişdi.

Merdok bu dəfəki çıxışında Fransadakı müsəlman məhəllələrini terrorçular qaynağı adlandırıb və bildirib ki, bu məhəllələrdə mədəni fransız qaydaları işləmir.
"Bu məhəllələrdə islam hüququ hökm sürür. Sakinləri müsəlman olan bu yerlər cinayətkar dəstələr tərəfindən idarə olunur. Polislər yanlarına güclü dəstək almasa o yerlərə girə bilmirlər" - Merdok əlavə edib.