Morqa aparılan qara meyit kisəsi qəfildən tərpənməyə başlayıb

Ölü qadın dirildi. Bu qəribə hadisə Polşada baş verib. ANS PRESS-in məlumatına görə, 91 yaşlı Yanina Kolkeviç rəsmi olaraq ölü elan edilib. Onun cəsədi morqa aparılıb.
Lakin qadın morqda özünə gəlib. Baş verənlər həkimləri belə şoka salıb. Onlar içində meyit olan qara kisənin qəfildən hərəkət etdiyini görüblər.
Onlar dərhal kisəni açıblar və dirilən qadını çıxarıblar.

Qohumlarının sözlərinə görə, qadın özü nə baş verdiyini tam bilmir. Belə ki, onun aterosklerozu olub.

Hazırda iş polisdədir. Qadının ölüm halını kimin necə qeydə aldığı araşdırlır. Ola bilər ki, ölüm haqqında rəy verən həkim cinayət məsuliyyətinə cəlb edilsin.

Qeyd edək ki, bu ilk belə hal deyil. Daha öncədə dəfələlrə kliniki ölüm keçirən şəxslərin dəfn zamanı və ya morqda özünə gəlməsi müşahidə edilib.

Mənbə