ABŞ Konqresmenləri Obamanı təcili hərəkət etməyə çağırdılar

Rusiya ordusunun ən güclü silahlarından hesab edilən "İsgəndər-M" zenit raket kompleksinin Krıma yerləşdirilməsi planlaşdırılır.
ANS PRESS-in məlumatına görə, bu barədə ABŞ Konqresində geniş müzakirələr aparılıb.

Konqresdə Silahlı Qüvvələrin işləri üzrə Komitənin sədri Hovard Makkoun, ordu qüvvələrinin strategiyası üzrə alt komitənin sədri Mayk Rocers və aşağı palatanın taktiki hava və quru qüvvələrinin strategiyası üzrə alt komitənin sədri Maykl Terne ABŞ prezidenti Barak Obamadan tələb ediblər ki, Rəsmi Vaşinqton Rusiya ilə bütün əlaqələri dayandırsın. Buna səbəb Rusiyanın Krıma nüvə başlıqlı silahlarının yerləşdirməyə hazırlaşmasıdır.

Konqresmenlər bildiriblər ki, bu ilin avqust ayının əvvəlində Rusiya hökuməti Krıma Tu-22M3 və "İsgəndər-M" zenit raket kompleksinin yerləşdirilməsi barədə qərar qəbul edib. Onların sözlərinə görə, Rusiya "İsgəndər-M" vasitəsilə bütün Avropanı hədəfdə saxlayacaq.