Peşmerge İraqda müstəqil dövlət yaratmaq niyyətini ortaya qoyublar

İraqda yaşayan kürdlər müstəqil dövlət yaratmaq niyyətini ortaya qoyublar. ANS PRESS-in məlumatına görə, peşmerge qüvvələri İŞİD-dən azad etdiyi Mosulun Zumar nahiyəsində İraqla sərhəd yaratdığını açıqlayıblar.
Şimali İraq Kürd regional hakimiyyətinin Muxtariyyətinə yaxın "Rudaw" telekanalı Zumar mahalını İraqla Kürdüstanın sərhədi kimi təqdim edib.
Telekanala açıqlama verən peşmerge komandiri çəkilən bu sərhəddən bir addım geri addım atmayacağını bildirib.
Kürd yaraqlılar Zumarda yaşayan ərəbləri də doğma evlərinə buraxmayacaqlarını bəyan ediblər. Səbəb kimi ərəblərin İŞİD-ə kömək etdiyini göstəriblər.
Mosulun şimal-şərqində yerləşən və neftlə zəngin Zumar mahalı ilə IŞİD-in əlində olan Hogne qəsəbəsi arasında 3 kilometr məsafə var.

Qeyd edək ki, Zumar İŞİD-dən azad olunduqdan sonra ərəblərin buradan qaçdığı bildirilir.

Peşmergenin bu istəyinə İraq hökümərinin necə reaksiya verəcəyi maraqla gözlənilir.