Moderator.az xəbər verir ki, 1986-cı ilin 26 aprelində Ukraynanın Çernobıl Atom Elektrik Stansiyasında baş verən partlayış barəsində 30 ildir ki, əfsanalər dolaşır. Təbii ki, o zaman meydana gələn güclü radiasiyanın fəsadları bu gün də davam etməkdədir. Mütəxəssislərin təbirincə isə, hələ uzun illər də davam edəcək. Bu yaxınlarda həmin mütəxəssislər, elm adamları Çernobıl barəsində yaranan miflər barəsində maraqlı araşdırma aparıblar. Məşhur BBC telekanalı da bu araşdırmalara yer ayırıb. Lakin onlardan ən qıribəsi və absurt görünəni isə partlayışdan sonra güclü radiasiyanın təsirindən heyvanlarıq mutasiyaya məruz qalaraq qəribə varlıqlara çevrilməsi haqqında mifdir:

“Qadağan zonasındakı radiasiya heyvanlarda mutasiyaya səbəb olaraq heyrətamiz şəkildə güclü və öldürücü qüdrətə malik əcinnələr yaradıb. Bu heyvanlardan çoxunun ya ayaqlarından biri, ya başı, ya da quyruğu yoxdur və sair. Alimlər buna bənzər heç nə tapa bilməyiblər. Sonsuz sayda quş və heyvan 26 aprel patlayışlarının dərhal ardınca qırılıb. Davamlı radiasiyanın yalnız bəzi əlamətləri nəzərə çarpır. Yüksək radiasiya olan yerlərdə cırtdan ağaclar buna misal ola bilər. Bir də yüksək dərəcədə cesium-137 ilə şüalanmış heyvanlar qeydə alınıb”.

Qeyd edək ki, 30 ildir ki, ərazinin 30 km-lik məsafədən qapalı zona elan edilib. Ətraf qəsəbədə isə yaşayış yoxdur. Mütəxəssislərin fikrincə 1986-cı ildə ətrafa səpələnən güclü radiasyon elementlərin izotopları nə zamansa ikinci yarımperiodluq aktivlik dövrünü keçirə bilərlər. Bu isə radiasiyanın yenidən aktivləşməsi deməkdir.