Rusiyanın, 1867-ci ildə Çar 2-ci Aleksandr tərəfindən 7 milyon 200 min dollara ABŞ-a satdığı Alyaskaya yenidən göz dikdiyi ortaya çıxıb

ABŞ-da yaşayan və Rus əslli bir ailədən gələn hüquqşünas Konstantin Şugayev, Amerika arxivlərində Alyaska satış müqaviləsinin prosedura uyğun edilmədiyini sübut edərək, 2017-ci ildə Putinə yaxşı bir hədiyyə hazırlamaq istədiyini qeyd edib. Alaska hekayəsinin 1 aprel zarafatı olmadığını bildirən "Gazeta" qəzeti, "Rus mənşəli ABŞ vətəndaşı Şugayevin “Garett, Paterson və Şugaev” adında bir hüquq şirkəti var. Bu şirkətin hüquqçuları keçmiş arxivləri axtararaq Alyaska satışında qanunsuzluq edildiyini sübut etmək istəyir. Tarixi sənədlərə görə, Rus çarının satışı reallaşdırdığı gün, ABŞ Nümayəndələr Məclisinin səlahiyyətlərinin sona çatdığı gün idi. Nümayəndələri Məclisi həmin gün toplanaraq iki ölkə arasında torpaq alverini ratifikasiya edib. ABŞ qanunlarına görə isə Nümayəndələr Məclisi yanında Senatın da təsdiqi lazımdır. Bu hüquqi boşluqları ortaya çıxarmağı planlaşdıran Şugayev, Alyaskanın ABŞ-a satılmasının 150-ci ildönümündə Rusiya lideri Vladimir Putinə Krımdan sonra Alyaska hədiyyəsi hazırlamaq istəyir" açıqlamasını verib. Kremlin ABŞ-da Alyaska ilə əlaqədar belə bir araşdırma edildiyini bilmədiyini açıqladığını da vurğulayan qəzet, "Ancaq bu işin Rusiya tərəfindən gizlicə icra edildiyi ortadadır. Şugayev hüquq şirkətinin ABŞ-da Alyaska satış sənədlərini araşdırması üçün Rusiya hökumətinin arxasında dayandığı “21-ci Yüzil və Dünya" fondu tərəfindən maliyyələşdirildiyini öyrənmiş oluruq" iddiasını edib.

//Strategiya.az