Zibillik biznesi- Sumqayıtda vaxtı keçmiş ərzaqları yenidən marketlərə qaytaranlar kimlərdir-VİDEO

Prezident 5 polkovnikə general-mayor rütbəsi verdi - ADLAR

Prezidentin Şuşa səfərində uşaqlarla səmimi görüşü

Daşaltı kəndinin fonunda - Fotolar

Prezident həmkarını Füzulidə qarşıladı - Fotolar

Azərbaycan Türkmənistana tanker hədiyyə edib

İlham Əliyevin Türkmənistan Prezidenti ilə geniş tərkibdə görüşü olub

Prezident babasından danışdı: "İş kabinetlərimdə heç bir heykəl yoxdur, təkcə bu var"

İlham Əliyev Qurban Qurbanova "Dostluq" ordenini təqdim edib

Zibillik biznesi- Sumqayıtda vaxtı keçmiş ərzaqları yenidən marketlərə qaytaranlar kimlərdir-VİDEO

Sosial / Dunya / Video

Oxunub: 6 118

3 fev 2020 | 18:00

İlk dəfə bura ayaq basanda adamı qəribə hiss bürüyür. Sankı dünyanın sonu barədə çəkilmiş amerikan filmlərindən bir parçanı izləyirsən.

Tüstü, qalaq-qalaq zibillik, göydə uşuçan minlərlə quş... və zibillikdə eşələnən insanlar.

Bura Sumqayıt zibilliyidir. Öz ahəngi, tərzi hətta biznesi ilə fərqlənən böyük zibillik.

Azerinfo.az əməkdaşları zibillikdə eşələnənlərlə söhbətləşir.

“Bu zibillik çoxlarının dolanışıq yeridir. İş yoxdur. Biz də torbalardan tutmuş köhnə pal-paltara qədər nə var yığırıq. Elə adamlar var ki, quru çörəyi toplayıb satırlar. Nə çoxdur mal-qarası, toyuq-cücəsi olanlar”, - biri dillənir.

Bir başqası “7 övladım var, böyüyünün 14 yaşı var, kiçiyi 2 yaşındadır. Bəzən kiminsə qapısında fəhləlik edirəm, iş olmayanda isə burdan sellofan torbalar yığıram. Təsəvvür edin, zibilliyin içindən torbaları ayırıb, yığmaq necə çətindir. Bir də görürsən, üst-başım qurdla dolu olur. Mənimki iyrənməkdən keçib”, - söyləyir.

Yaşlı bir kişi isə deyir ki, axşam gələsiz, maşınlar növbəyə düzülür. Şəhərdəki dəri və bağırsaq sexinin, sallaqxanaların, kafe və restoranların tullantıları bura atılır.

Zibillikdə əməlli başlı biznes imperiya var.

Kimi salofan, kimi plastik butulka, kimi metal yığır.

Və bunların hər birinə nəzarət edən, zibillikdəki insanlardan haqq yığanlar var.
Bu “Sumqayıt Şəhər Təmizlik Departamenti” Məhdud Məsuliyyətli Cəmiyyətinın əməkdaşlarıdır.
Ən pisi odur ki, bura dükanlardan vaxtı ötmüş ərzaq malları gətirilir. Atılır. Zibillikdə onları silib-təmizləyib yenidən dükanlara satdırmaq üçün verirlər. Yəni konservalar, müxtəlif cür bitki yağları, hətta kolbasa və sair.
Bu adamlar necə bir cinayət etdiklərinin fərqində deyillər.
Departamentin Qəhrəman adlı əməkdaşı etiraf edir ki, bütün işlərə “Sumqayıt Şəhər Təmizlik Departamenti”nin Taleh adlı işçisi nəzarət edir.
Qəhrəman isə metal,butulka, salafan toplayanla “işləyir”. Yəni şəhərdən gəlib zibilçilərdən mal alanda həmin əşyalar qapanda çəkilir. Satılan mallardan əldə olunan hər yüz manatın on manatı Qəhrəmana çatıre. O da “yuxarı” ötürür. Sadə bir sxem.
Qeyd edək ki, Ekologiya Nazirliyi dəfələrlə “Sumqayıt Şəhər Təmizlik Departamenti”ni cərimələyib.
Amma bu dəfə yoxlanışı Ekologiya Nazirliyi ilə birgə prokurorluq orqanları, Qida Təhlükəsizliyi Agentliyi də aparmalıdır.
Ekologiya Nazirliyinin işi zibillikdən havaya qalxan, şəhəri zəhərləyən qatı tüstünün, antisanitariyanı səbəbini yaradanlardı.
Vaxtı keçmiş məhsulları əhaliyə sırıyanlar isə cinayət məsuliyyətinə cəlb olunmalıdır.
Ardı var.