İlham Əliyevdən gözlənilməz açıqlama

Vladimir Putin İlham Əliyevə zəng etdi - Razılıq əldə olundu

Prezidentdən Əziz Səncər ilə bağlı SƏRƏNCAM

Fəxri Kazımov işdən çıxarıldı - YENİ TƏYİNAT - FOTO

Prezident qəbul keçirdi - Fotolar

İlham Əliyev Yinq Yonqunu qəbul etdi - FOTOLAR

“İlham Əliyev müasir, ziyalı insandır” - Putin

İlham Əliyev Bişkekdə Narendra Modi ilə söhbət etdi - FOTO

İlham Əliyev Ərdoğanla görüşdü - Fotolar

İlham Əliyevdən gözlənilməz açıqlama

Siyaset

Oxunub: 2 771

27 sen 2016 | 20:21

“Ölkəmizi faktiki olaraq dağıdırdılar” - İlham Əliyev

"Heydər Əliyev müstəqil Azərbaycan dövlətinin banisidir. Məhz onun rəhbərliyi ilə Azərbaycan inamla müstəqillik həyatına qədəm qoyub. Əgər 1991-ci ildə Heydər Əliyev hakimiyyətdə olsaydı, heç vaxt Azərbaycan problemlərlə üzləşməzdi, heç vaxt bizdə vətəndaş müharibəsi olmazdı, heç vaxt torpaqlarımız işğal altına düşməzdi. Bizim xoşbəxtliyimiz isə ondan ibarətdir ki, 1993-cü ildə xalqın tələbi ilə Heydər Əliyev hakimiyyətə gəldi və ondan sonrakı müstəqillik dövrü sabitlik, tərəqqi və inkişaf dövrüdür".

Azerinfo.az-ın məlumatına görə, bunu Azərbaycan prezidenti İlham Əliyev bu gün Sumqayıtda Heydər Əliyev Mərkəzinin açılışında deyib.

Dövlət başçısı qeyd edib ki, o ağır illərdə Azərbaycanda aparılan islahatlar, təhlükəsizliyin təmin edilməsi, neft kontraktının imzalanması, dövlətçiliyin möhkəmləndirilməsi, yeni Konstitusiyanın qəbulu ölkəmizin gələcək inkişafını müəyyən edib: "O vaxt ölkəmizin gələcək inkişafı ilə bağlı strateji seçim edilmişdir ki, Azərbaycan dövləti müstəqil həyatını qoruyacaq, ölkədə Azərbaycançılıq məfkurəsi təmin ediləcək, Azərbaycan öz beynəlxalq əlaqələrini qarşılıqlı hörmət əsasında quracaq, dərin iqtisadi-sosial islahatlar həyata keçiriləcək və Azərbaycan xarici investorlar üçün açıq qapılar siyasəti aparacaq. Bu strateji seçim özünü doğrultdu. Biz bu gün bunu bir daha əyani şəkildə görürük. Bu gün Azərbaycan dünya miqyasında çox böyük hörmətə malik olan bir ölkədir. Bizimlə hesablaşırlar, bizim fikrimiz, rəyimiz nəinki regional müstəvidə, dünya miqyasında böyük önəm daşıyır".

Prezident gələn ay Azərbaycanın müstəqilliyinin bərpasının 25 illiyinin qeyd olunacağını bildirib: "Bu 25 ilin 23 ili inkişaf, tərəqqi və dirçəliş illəri olub. 1991-ci ildə Azərbaycan müstəqilliyə qovuşanda digər müttəfiq respublikalar da müstəqillik əldə etmişdi və ilk iki il xalqımız üçün, dövlətimiz üçün çox ağır, faciəvi illər olub. O vaxt hakimiyyəti zəbt edən antimilli qüvvələr ölkəmizi faktiki olaraq dağıdırdılar və Azərbaycan xalqı böyük əziyyət içində, narahatlıq içində yaşayırdı. Azərbaycan xalqı cəmi bir il AXC-Müsavat cütlüyünün hakimiyyətinə dözərək bu mənfur ünsürləri tarixin arxivinə göndərdi. Bu gün Azərbaycanda gedən proseslər, ölkəmizin inkişafı və dünən keçirilmiş referendum bir daha xalqımızın iradəsini göstərdi. Bir daha göstərdi ki, Azərbaycan xalqı aparılan siyasətə öz dəstəyini verir. Bir daha onu göstərdi ki, Azərbaycan xalqı təhlükəsizliyi, sabitliyi, inkişafı, ləyaqəti və müstəqilliyi seçir".