Sağlam qidalanmaq qaydalarının ən ümdə tələbi siqareti və spirtli içkiləri rasiondan çıxartmaqdır.Yalnız bundan sonra digər qaydalar haqqında danışmağa dəyər. Həmçinin, xəsətlikləri müalicə etmək üçün aşağıdakı qidalanma vərdişinə yiyələnmək lazımdır.

1. Hər gün 2-3 litr çiy su içməyə vərdiş edin. Diqqət! Bir ay yarım müddətində, hər yarım saatdan bir 30 q çiy su içmək gözəl müalicə metodu sayılır.

2. Canınız ağrıyarkən, zehni və fiziki halsızlıq şəraitində, yorğun və hirsli halda, qızdırma yüksək olanda qida qəbul etməyin. Bundansa qidadan imtina etmək faydalıdır. Xatırladırıq ki, şüursuz saydığımız heyvanlar halsız olanda, xəstələnəndə qidadan imtina edirlər.

3. Yalnız aclıq hiss edəndə yeyin. Yeməyə 10-15 dəqiqə qalmış 200 q çiy suyu ilıq şəkildə qurtum-qurtum için. Bunu həyat normasına çevirin.

4. Yemək vaxtı və yeməkdən dərhal sonra su içməyin. Çünki su 10-15 dəqiqədən sonra mədəni tərk edir,özü ilə bərabər mədə şirəsini də yuyub aparır.Bu da həzmolmanı pozur. Suyu və şirəni tüpürcəklə islatmaq üçün onları qurtum-qurtum, ağızda saxlaya-saxlaya içmək məsləhətdir. Suyu meyvələrdən 30 dəqiqə, nişastalı qidalardan 2 saat, zülallı qidalardan 4 saat sonra içmək faydalıdır.

5. Soyuq maye içmək və soyuq xörək yemək mədədə enzimlərin (həzmedici şirələrin) fəaliyyətini dondurur. Mədə normal hərarətə çatana qədər enzim ifraz etmir və nəticədə mədə divarı zədələnir. Dondurma yemək-mədənin zərif toxuması üzərinə buz parçası qoymaq kimi bir şeydir.

6. Çox isti çay içmək və çox isti xörək yemək də enzimlərinin ifrazını dayandırır və mədənin zədələnməsinə səbəb olur.

7. Purin maddələri və kofe, çay, şokolad, kakao, ekstraktiv ət bulyonları, hisə verilmiş ətlər toksik təsirə malikdir, mədədə yüksək dərəcədə sidik turşusu yaradır. Rafinadlaşdırılmış şəkərdən ( qənd, konfet və.s) imtina edin. Pulunuzu bala, qurudulmuş meyvələrə, şirin meyvələrə verin.

8. Əsasən, çiy və təbii qidaları (meyvə, tərəvəz, şülul, tumlar,qoz,fındıq, püstə,badam və s.) yeyin.

9. Xörəkləri yeyərkən qarışdırmayın. Bir neçə növ xörəyin eyni vaxtda qəbul edilməsi həzmolmanı çətinləşdirir və qidaların çürüməsinə gətirib çıxarır. Müxtəlif qidaları eyni vaxtda yemək həm orqanizmə ziyandır,həm də cibə. Çünki mədə hər qida növü üçün ayrıca şirə ayırır. Qidalar qarışanda bir qida növü həzm olunursa,digər qidalar həzm olunmur,çürüyür.

10. Səhər yeməyini şirəli meyvələrdən başlayın. 2-3 qoz, yaxud 5-6 fındıq ,badam əlavə etmək yerinə düşər. Meyvəni çiy,qabıqlı və tumları ilə bərabər yemək faydalıdır.Qış vaxtı, çiy meyvə yoxdursa, quru meyvələrdən gen-bol istifadə edə bilərsiniz. Konservləşdirilmiş, duza qoyulmuş və bişirilmiş meyvələrin,tərəvəzin cana heç bir faydası yoxdur,əksinə,həm cana,həm də cibə böyük ziyanı var.

11. Gün ərzində ən azı bir qab tərəvəz salatı yemək lazımdır.Gündə 3 dəfə qida qəbul edirsinizsə, 2 dəfə salat yeyin. Salatı 4-5 növ çiy tərəvəzdən hazırlayın.Onların hamısı faydalıdır. Ən çox faydalısı isə kök, kələm, kahı, ispanax, kərəviz, şüyüd, xiyar, turp və yarpağı, göy soğan, pomidor, çuğundur və yarpağı, cəfəri, sarımsaqdır. Soğanın çox olması zərərlidir.Göy soğana üstünlük versəniz daha çox fayda alarsınız.

12. Təbii zülalların, yağların, vitaminlərin və mineral maddələrin ən etibarlı daşıyıcısı olan qoz-fındıqdan, tumlardan müntəzəm istifadə edən şəxsin ətə-yağa ehtiyacı qalmır.

13. Yağlardan mümkün qədər az istifadə edin.Yadda saxlayın yağların hamısı (kərə yağı,bitki yağı,qaymaq) həzmolmanı yubadır,mədədə və bağırsaqda çürümə törədir. Evdar qadınların nəzərinə xörəyə yağı yalnız xörək tam hazır olanda çiy şəkildə əlavə edin. Xörək bişirərkən qazana 1-2 qida növü tökün, onları mümkün qədər az qaynadın.
14. Bişmiş xörəkdən imtina edə bilmirsinizsə, xörəklə bərabər salat yemək, təzə şirələr, itburnu, xurma, moruq və qara qarağat yarpaqlarından dəmlənmiş çay içmək məsləhətdir. Yadda saxlayın: çiy qida bişmiş xörəkdən 3 dəfə çox olmalıdır.

15. Bütün yeməkləri mümkün qədər çox çeynəmək və ağız şirəsi ilə yaxşı-yaxşı islatmaq lazımdır.Onda qida yaxşı həzm olunur, bu halda orqanizm həzmolma prosesinə az enerji sərf edir.Bu da qəbul olunan qidanın həcmini və çəkisini 1,5-2 dəfə azaltmağa və az qidadan daha çox fayda götürməyə imkan verir. Nəzərə alın tüpürcək faydalı elementlərlə çox zəngindir.
Yapon alaimi Katsudzo Nişi kimi, P.Breqq də səhər yeməyini ixtisara salmağı, gün ərzində 2 dəfə qidalanmağı məsləhət görürdü. Nişi yazır ki, səhər çağı qida qəbul etmək vaxtı deyil, axşam yediyin qidanı həzm etmək vaxtıdır. Bu elə vaxtdır ki, bədən özünü təmizləyir. Yoğun bağırsaq axşam qəbul olunmuş qidanı həzm etməyə təzəcə girişdiyi bir vaxtda, oraya yenidən qida göndərmək israfçılıqdır.

16. Orqanizmə vaxtaşırı istirahət verin (buna “sanitar saatı”, “sanitar gün” deyirlər). Çünki bağırsağın divarlarında gün ərzində 3 kq-dan 25 kq-dək şlak (zir-zibil) toplanır.

17. Əgər iradəniz zəyifdirsə,nəfsinizə qalib gələ bilmirsinizsə, orqanizmi zəhərləyən əti, yağı, yumurtanı, göbələyi, pendiri, çörəyi, dənləri, paxlalı bitkiləri öz süfrənizdən çıxarda bilmirsinizsə, onları tərəvəzlərə əlavə kimi qəbul edin.

18. Çox yeməyə can atmayın:çox yemək orqanizm üçün lüzumsuz və səmərəsiz əlavə zəhmət və ağır yükdür. Unutmayın, çox yeyən az yaşayır, az yeyən-çox!..

19. Qidada xörək duzunun miqdarını azaldın. Ürək-damar xəstəliyi zamanı ondan tamam imtina edin. Xörək duzunda yalnız 2 mikroelement var xlor və natrium. Dəniz duzunda isə bunlar 64-dür, hamısı da orqanizm üçün çox faydalıdır. Soğan,sarımsaq, qıtıqotu (xren), turp (həm kökü,həm də gövdəsi və yarpağı) xörək duzunu əvəz edə bilir.