Polikistik Yumurtalıq Sindromundan əziyyət çəkənlər hədsiz tüklənmə problemi ilə qarşı-qarşıya qalır. Belə qadınlar gündə 3 dəfə taraş olmaq məcburiyyətində olur

“Daily Mail”-ın yaydığı xəbərə görə, 32 yaşlı Çeril Hove 12 yaşından bəri Polikistik Yumurtalıq Sindromundan əziyyət çəkir. Üzündə, sinəsində, qarnının üzərində hormon pozğunluğu səbəbiylə çıxan tüklər həyatını məhv edir. O, taraş bıçaqları və kremləri üçün hər il minlərlə dollar xərcləmək məcburiyyətində qaldığını bildirib. Xəstəliyi səbəbindən iş tapmaqda çətinlik çəkən Çerilin həyatı estetik əməliyyatla normallaşacaq. Lakin özünün bu əməliyyatı keçirmək üçün maddi imkanı yoxdur. Milli Səhiyyə Sistemi isə bu xərci ödəməkdən imtina etdiyindən, deyəsən, Çeril bu problemlə hələ uzun müddət yaşamalı olacaqdı.

Qeyd edək ki, dünyada hər 3 qadından birində rast gəlinən Polikistik Yumurtalıq Sindromu yumurtalıqların nizamlı işləməməsi nəticəsində ortaya çıxır. Xəstəlik nəticəsində yumurtalıqlarda toplanan yumurta hüceyrələri kist halını alır, menstruasiya nizamsızlığı və hormonal pozğunluqla bağlı olaraq hədsiz tüklənmə problemi yaşanır.