AFFA-nın İntizam Komitəsi Premyer Liqanın sonuncu turu ilə bağlı qərarları açıqlayıb.

Azerinfo.az-ın Axar.az-a istinadən yaydığı məlumata görə, Premyer Liqanın sonuncu turunda “Qarabağ” - “Qəbələ” matçında “Qəbələ” klubunun 4 futbolçusu sarı vərəqə ilə cəzalandığı üçün klub 1000 manat cərimələnib.

“İnter” - “Simurq” matçında “Simurq” klubunun futbolçusu Marko Stanojeviç idmançıya yaraşmayan hərəkətə görə, ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə kəsilib.

“Xəzər Lənkəran” - “Bakı” matçının 90+1-ci dəqiqəsində “Xəzər Lənkəran” klubunun futbolçusu Ağabala Ramazanov aqressiv hərəkətə görə, birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klub 2000 manat cərimə olunub. Oyunun 90+3-cü dəqiqəsində isə “Bakı” klubunun futbolçusu Pelagias Giorgios ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimələnib.