C. Vəliyev - 10 may ulu öndərin doğum günüdür

Vladimir Putin İlham Əliyevə zəng etdi - Razılıq əldə olundu

Prezidentdən Əziz Səncər ilə bağlı SƏRƏNCAM

Fəxri Kazımov işdən çıxarıldı - YENİ TƏYİNAT - FOTO

Prezident qəbul keçirdi - Fotolar

İlham Əliyev Yinq Yonqunu qəbul etdi - FOTOLAR

“İlham Əliyev müasir, ziyalı insandır” - Putin

İlham Əliyev Bişkekdə Narendra Modi ilə söhbət etdi - FOTO

İlham Əliyev Ərdoğanla görüşdü - Fotolar

C. Vəliyev - 10 may ulu öndərin doğum günüdür

Gundem

Oxunub: 2 072

10 may 2014 | 13:15

C. Vəliyev - 10 may ulu öndərin doğum günüdür

Bu gün xalqımız dahi siyasətçi Heydər Əliyevin doğum gününü qeyd edir. Heydər Əliyevin bütün həyatı təsdiqləyir ki, o, məhz tarixdə qalmaq üçün dünyaya gəlmişdi; buna görə də, həm böyük dövlətin - yəni SSRİ-nin,- xadimi ola bilmişdi, həm də sonradan kiçik dövlətin rəhbəri olmasına baxmayaraq, Böyük Dövlət Xadimi kimi dünyada tanınmışdı. Bu baxımdam o, çox nadir bir şəxsiyyətdir.
Milli Liderin böyüklüyü nədə idi? Bu sualı tam şəkildə cavablandırmaq olduqca çətindir. Çünki Heydər Əliyev çoxölçülü şəxsiyyətdir. O, həm nəhəng dövlət xadimi, həm peşəkar siyasətçi, həm bənzərsiz strateji təfəkkür sahibi, həm bacarıqlı diplomat idi. Dünya tarixində çox az liderlər var ki, eyni zamanda həm ölkəsinin daxilindəki, həm də xaricindəki proseslərin mahiyyətini eyni ustalıqla duya bilsin. Heydər Əliyev fenomeninin fərqli cəhətlərindən biri də budur. Məhz Ulu Öndərin şəxsiyyətinin çöxölçülü olmasının nəticəsidir ki, Azərbaycanda hər bir insan onun bir cəhətini daha qabarıq sezir; tutaq ki, kimin üçünsə Heydər Əliyevin insanlara necə yanaşması daha çox maraqlıdır, kimsə onun kadr siyasətindən heyranlıqla danışır, bir başqası Heydər Əliyevin öz üzərində necə işləməsini, necə iradəli və intizamlı olmasını dönə-dönə deməkdən doymur. Və hamı da haqlıdır: Heydər Əliyev məhz ona görə milli liderdir ki, hər bir azərbaycanlı onda sırf özünə anlaşıqlı, yaxın olan nəsə tapır.
Bütün bu qabiliyyətin arasında Heydər Əliyevin strateji təfəkkürü daha çox maraq doğurur. Onun şəxsiyyətinin bu ölçüsünü araşdıranda hər dəfə fenomenal beynin məhsulu ola biləcək qərarlar görürsən. Tutaq ki, dahi şahmatçının oyununu təhlil edəndə, böyük rəssamın əsərinə baxanda, məşhur bir əsəri oxuyanda insan necə heyran qalırsa, Heydər Əliyevin strateji təfəkküründən doğan qərarları bütün tərəflərilə anlaya biləndə də ona bənzər bir hiss keçirir. Çünki Ulu Öndər həm də siyasət peşəkarı idi və öz əsərlərini bu sahədə yaradıb.

Cəbrayıl Vəliyev
Saatlı rayon polis rəisi