Rusiya alimləri sosial şəbəkələr vasitəsi ilə terrorçuların cərgəsinə qoşulmağa dəvət edən İŞİD təbliğatçılarının portretinin hazırlanması üzrə işə başlayıblar. FaktXəbər-in verdiyi məlumata görə, bu təşəbbüs haqqında RF Etiraz və Siyasi Legitimlik Tədqiqatlar Mərkəzinin Direktoru Yevgeniy Venediktov bildirib. Onun sözlərinə görə, yeni layihə hazırda sosial şəbəkələrdə aktiv şəkildə ekstremist qrupları araşdıran və analiz edən «Demon Laplas» proqramına yüklənəcək.

«2016-cı ildən etibarən proqramın sosial şəbəkələrdə İŞİD-ə cəlb edənlərə məxsus akkauntları axtarmağa başlayacaq. Araşdırma Mərkəzinin mütəxəssisləri belə istifadəçilərə ərəb dilində məlumat yollayacaq, cavab aldıqdan sonra isə linqivistik ekspertiza aparacaq», - deyə Venediktov bildirib.

Bundan sonra potensial təbliğatçıya internet linki göndəriləcək, hansı ki, burdan keçən şəxs proqram yaradıcıldarına öz IP-sini, əməliyyat sisteminin versiyasını, brauzerini, quraşdırılmış plaginlərini verəcək. Bu parametrləri öyrənən mütəxəssislər isə kompyuterə tam giriş əldə edə biləcəklər.

Qeyd edək ki, layihəyə artıq dinşünaslar və ərəbşünaslar qoşulub. Onlar sosial şəbəkələrdə şübhəli səhifələri araşdıracaqlar. Bundan əlavə, ehtimal olunan terrorçuların IP adresini müəyyən edəcək IT mütəxəssislər də layihədə iştirak edirlər.

Xatırladaq ki, sentyabrın 30-dan etibarən Rusiya Bəşər Əsədin çağırışı ilə Suriyada İŞİD obyektlərinə aviazərbələr endirməyə başlayıb. Bu müddət ərzində Hava Kosmik Qüvvələri terrorçulara qarşı 300 zərbə endirib. Nəticədə 300-ə yaxın terrorçu, təlim düşərgələri, idarəetmə məntəqələri, döyüş sursatları anbarı və digər obyektlər məhv edilib. Bundan əlavə, Xəzər Flotunun gəmiləri 26 qanadlı raket buraxaraq İŞİD obyektlərini uğurlu şəkildə məhv ediblər.

faktxeber.com